आईफोन १७ई आईफोन १७ जस्तै देखिने

काठमाडौं ।

२०२६ को सुरुमा डेब्यू हुने अपेक्षा गरिएको एप्पल आईफोन १७ई को बारेमा हालैको लीकले प्रमुख स्पेसिफिकेसनहरूको खुलासा गरेको छ। एउटा नयाँ विकासले अब आईफोन १७ई मा आईफोन १६ई को जस्तो ठूलो नच नहुने खुलासा गरेको छ। कल्पनामा आधारित रेन्डर (माईड्राइभर्स मार्फत) ले १७ई को डिस्प्ले डिजाइनबाट के आशा गर्न सकिन्छ भनेर सुझाव दिएको छ।

आईफोन १७ई रेन्डरः
कन्सेप्ट ईमेज (अवधारणाका तस्बिरहरू) ले आईफोन १७ई स्ट्याण्डर्ड आईफोन १७ को सिङ्गल–क्यामरा संस्करणसँग मिल्दोजुल्दो हुनेछ भन्ने सुझाव दिएको छ। आईफोन १७ईमा हुने सबैभन्दा महत्त्वपूर्ण परिवर्तन भनेको ह्यान्डसेटले डिस्प्ले इन्टरफेस समावेश गर्ने भएको छ र अन्ततः डायनामिक आइल्याण्डको नच त्याग्ने भएको छ। यद्यपि, स्क्रिन प्रविधिले कुनै उल्लखनिय परिवर्तन देख्न सम्भावना नभएको र स्ट्याण्डर्ड ६० हर्ज रिफ्रेस रेटको साथ ६.१–इन्च प्यानल कायम राख्ने सम्भावना रहेको बताइएको छ।

पर्फर्मेन्सको हिसाबले, ह्यान्डसेट अर्को पुस्ताको ए१९ चिपमा चल्ने अपेक्षा गरिएको छ भने डिभाइसमा स्ट्याण्डर्ड मोडेलबाट छुट्याउन कम जीपीयू कोरहरू हुन सक्ने उल्लेख गरिएको छ।

यो कदमले भरपर्दो अपग्रेड चाहिने आईफोन ११ जस्ता पुराना डिभाइसहरूका प्रयोगकर्ताहरूलाई लक्षित गर्दछ। आईओएसको अन्तर्निहित तरलतासँग नयाँ हार्डवेयर संयोजन गर्दै, डिभाइसले धेरै वर्षसम्म सहज प्रदर्शन कायम राख्ने अनुमान गरिएको छ।

अघिल्लो रिपोर्टले ह्यान्डसेटमा अर्को प्रमुख अपग्रेड भनेको सेन्टर स्टेज समर्थन सहितको १८–मेगापिक्सेल सेन्सरको सेल्फी क्यामरा हुने खुलासा गरेको छ। डिभाइसको पछाडिको भागमा भने सिङ्गल ४८ङ्ग मेगापिक्सेलको वाइड क्यामरा हुने सम्भावना रहेको छ।

डाटा ट्रान्सफर स्पिड र ऊर्जा दक्षता सुधार गर्न डिजाइन गरिएको एप्पलको कस्टम सी१ मोडेम र एन१ वायरलेस चिप समावेश गरेर आन्तरिक कनेक्टिभिटीमा पनि परिवर्तन देखिने सम्भावना रहेको बताइएको छ। यदि यी स्पेसिफिकेसनहरू सत्य रह्यो भने, फोनले एप्पलको बजेट र फ्ल्यागशिप प्रस्तावहरू बीचको प्रदर्शन अन्तरलाई कम गर्ने गीज्मोचाइनाले रिपोर्ट गरेको छ।