स्पेनले एआई अनुसन्धान परियोजनाहरूमा १२ करोड युरो लगानी गर्ने

काठमाडौं ।

स्पेनले आर्टिफिसियल इन्टेलिजेन्स (एआई) अनुसन्धान परियोजनाहरूमा १२ करोड युरो लगानी गर्ने भएको छ।

स्पेनको डिजिटल रूपान्तरण मन्त्रालय र विज्ञान, नवप्रवर्तन र विश्वविद्यालय मन्त्रालयले चार सार्वजनिक संस्थाहरूमा कृत्रिम बुद्धिमत्ता (एआई) प्रविधिमा कुल ३७४ अनुसन्धान परियोजनाहरूलाई कोष प्रदान गर्न १२ करोड युरो लगानी गर्ने प्रतिबद्धता व्यक्त गरेका हुन्।

स्पेनको डिजिटल विकास एजेन्सी रेड डट ईएस (Red.es) द्वारा वितरण गरिने कोषका लाभार्थीहरूमा स्पेनी राष्ट्रिय अनुसन्धान परिषद् (सीएसआईसी), बार्सिलोना सुपरकम्प्युटिङ सेन्टर (बीएससी), कार्लोस थ्री राष्ट्रिय कार्डियोभास्कुलर अनुसन्धान केन्द्र (सीएनआईसी) हुन्।