काठमाडौं ।
चिनियाँ इभी ब्राण्ड जीकर (Zeekr) ले गत महिनाको सुरुमा बीवाईडीद्वारा जारी गरिएको १-मेगावाट चार्जर भन्दा छिटो चार्जिङ गति प्रदान गर्ने अपेक्षा गरिएको नयाँ चार्जर अनावरण गरेको छ।
विद्युतीय सवारी साधन (इभी) निर्माताले दोस्रो त्रैमासिकमा प्रति चार्जिङ गन १.२ मेगावाटको अधिकतम शक्ति भएको पूर्ण रूपमा तरल-कूल्ड चार्जर आधिकारिक रूपमा जारी गर्नेछ, र यो चार्जिङ शक्ति संसारमा सबैभन्दा उच्च भएको जीकरका उपाध्यक्ष झाओ युहुईले चीनमा आयोजित एक फोरममा भनेको सीएनईभीपोस्टले रिपोर्ट गरेको छ।
यो प्रविधि अप्रिलमा हुने सांघाई अटो शोमा डेब्यू हुनेछ र चार्जिङ उद्योगलाई १ मेगावाट स्तरमा अल्ट्रा-फास्ट चार्जिङको युगमा लैजाने झाओले बताए।
झाओका अनुसार, विगत तीन वर्षमा, जीकरको सुपरचार्जर पावर बिस्तारै ३६० किलोवाटबाट ६०० किलोवाटमा बढेको छ, र थप बढेर ८०० किलोवाटसम्म पुगेको छ।
झाओका अनुसार, जीकरको ऊर्जा इकाई जीकर पावर (Zeekr Power) सँग ८२६ सुपरचार्जिंग स्टेशनहरू छन्, जसले ४,००७ सुपरचार्जरहरू प्रदान गर्दछ।
कम्पनीकाअनुसार १.२-मेगावाट चार्जर यात्रुवाहक कारहरूको लागि हो। हाल १.२-मेगावा चार्जिङलाई समर्थन गर्ने कुनै पनि यात्रुवाहक सवारी साधनहरू छैनन्।
मार्च १७ मा, बीवाईडी ले १,००० किलोवाट, अर्थात १ मेगावाट चार्जिङ पावरलाई समर्थन गर्ने आफ्नो अल्ट्रा-फास्ट चार्जर अनावरण गरेको थियो।
प्रकाशित: २२ चैत्र २०८१, शुक्रबार
