एप्पल इन्टेलिजेन्समा गुगल जेमिनी थप्ने एप्पलको तयारी

काठमाडौं ।

एप्पल इन्टेलिजेन्समा पहिलेदेखि नै च्याटजीपीटीको लागि समर्थन उपलब्ध हुँदै आएको छ। एप्पलले अब भने गुगलको जेमिनीलाई पनि समावेश गर्न कडा मेहनत गरिरहेको जस्तो देखिएको छ। साथै यो सुविधा भविष्यमा कुनै पनि बिन्दुमा आउन सक्नेछ।

जीएसएमएरिनाका अनुसार आईओएस १८.४ बिटाको साथमा पुश गरिएको ब्याकएन्ड अपडेटमा, एप्पल इन्टेलिजेन्स भित्र अब तेस्रो–पक्ष मोडेलहरूको लागि “ओपनएआई” र “गुगल” दुवै विकल्पहरू रहेका छन्। साथै यसको लागि आवश्यक काम हालै गरिएको भए पनि यो सुविधा कहिले सार्वजनिक हुनेछ भनेर बताउन सकिने अवस्था छैन।

त्यसैगरी अप्रिल महिनामा आउने आईओएस १८.४ को पब्लिक (सार्वजनिक) रिलीजको साथ यो सुविधा पनि आइपुग्नेछ भन्दै एक आशावादी परिदृश्यको उल्लेख गरिएको छ। तर एप्पलले भविष्यमा यसको विरुद्धमा निर्णय पनि गर्न सक्ने र यसले लामो समय लिन सक्ने सम्भावना पनि छ।

साथै यस विषयमा कुनै आधिकारिक घोषणा गरिएको छैन। यद्यपि एप्पलका क्रेग फेडेरिघीले विगतमा कम्पनीले गुगल सहित अन्य एआई मोडेलहरूसँग एकीकरण प्रस्ताव गर्न चाहन्छ भन्ने सुझाव दिएका थिए।

यस बाहेक, एप्पलले आधिकारिक रूपमा एप्पल इन्टेलिजेन्स अन्ततः अप्रिलमा ईयूमा आईओएस १८.४ र आईप्याडओएस १८.४ को रिलीजको साथ उपलब्ध हुने पुष्टि गरेको छ जसको साथमा एआई सुइटले थप भाषाहरूको लागि समर्थन पनि पाउने जीएसएमएरिनाले उल्लेख गरेको छ।