हुन्डाई इन्डियाले क्रेटा ईभीसहित चारओटा विद्युतीय सवारीका मोडल लन्च गर्ने

काठमाडौं ।

हुन्डाई मोटर इन्डिया लिमिटेडले चालु आर्थिक वर्षको अन्तिम त्रैमासिकमा क्रेटा ईभी सहित भविष्यमा चार ओटा विद्युतीय सवारीका मोडलहरू लन्च गर्ने योजना बनाएको छ।

कम्पनीले भारतीय शेयर बजार नियामक सेबीमा दायर गरिएको प्रारम्भिक आईपीओ कागजातहरू अनुसार चार नयाँ इभीहरु ल्याउने योजना गरेको हो।

कम्पनीले आफ्नो विद्युतीय सवारी (ईभी) मोडेलहरूको मूल्य प्रतिस्पर्धात्मकतालाई अधिकतम बनाउन खोजिरहेको छ। यसले सेल, ब्याट्री प्याक, पावर इलेक्ट्रोनिक्स, र ड्राइभट्रेन जस्ता मुख्य भागहरूका लागि स्थानीय उत्पादन क्षमताहरू सुरक्षित गर्न र स्थानीयकृत ईभी आपूर्ति श्रृंखला निर्माणमा ध्यान केन्द्रित गर्न चाहन्छ।

रेड हेरिङ प्रोस्पेक्टस (डीआरएचपी) को मस्यौदामा, हुन्डाई मोटर इन्डिया लिमिटेड(एचएमआईएल) ले प्रत्येक मूल्य खण्डमा उपयुक्त ईभी मोडेलहरू लन्च गरेर आफ्नो इभी रणनीति क्यालिब्रेट गर्न र भारतको बजारको माग अनुरूप इभी टाइमलाइनहरू योजना बनाउन खोजेको बताएको छ।