काठमाडौं ।
माइक्रोसफ्टले १३ अक्टोबरमा ‘कल अफ ड्युटी’ प्रकाशक एक्टिभिजन ब्लिजार्ड ६९ बिलियन अमेरिकी डलरमा खरिद सम्झौता सम्पन्न गर्ने लक्ष्य राखेको छ। यसका लागि माइक्रोसफ्टले बेलायतको एन्टिट्रस्ट नियामकबाट स्वीकृति पाउनु पर्ने दभर्जले स्रोतलाई उद्धृत गर्दै शुक्रवार रिपोर्ट गरेको छ।
माइक्रोसफ्टले बेलायतबाट स्वीकृति प्राप्त गर्न थप समयका लागि जुलाईमा सम्झौताको लागि कटअफ मिति १८ अक्टोबरसम्म विस्तार गरेको थियो।
एक्टिभिजनले यूबीसफ्ट इन्टरटेनमेन्टलाई आफ्नो स्ट्रिमिङ अधिकार बिक्री गर्न सहमति दिइएपछि माइक्रोसफ्टले गत महिना प्रतिस्पर्धा र बजार प्राधिकरणबाट प्रारम्भिक स्वीकृति प्राप्त गरेको थियो।
यदि यो खरिद सम्पन्न भएमा गेमिङ इतिहासको यो सबैभन्दा ठूलो सम्झौता हुनेछ। ‘कल अफ ड्यूटी’ र ‘वर्ल्ड अफ वारक्राफ्ट’ सहित एक्टिभिजनको शीर्षकहरू सहित कन्सोल बजारमा माइक्रोसफ्टको प्रभुत्व कायम हुनेछ।
सीएमएले गत अप्रिलमा क्लाउड गेमिङमा प्रतिस्पर्धामा पर्ने असरको चिन्तालाई उद्धृत गर्दै, कल अफ ड्युटी निर्माताको अधिग्रहण रोक्ने प्रयास गरेको थियो।
यस्तै अमेरिकी फेडरल ट्रेड कमिसन (एफटीसी) ले पनि यस सम्झौताको विरोध रहेको थियो।
प्रकाशित: २० आश्विन २०८०, शनिबार
