काठमाडौं ।
सबै अनुसन्धानहरूले भविष्यवाणी गर्दै आएका छन् कि जब हाम्रो सूर्य अन्तिम चरणमा हुनेछ, यो आगोको रातो गोलामा परिणत हुनेछ। सूर्यले हाम्रो सौर्यमण्डलका ग्रहहरूलाई असर गर्न थाल्छ र बुध, शुक्र र पृथ्वी यसको चपेटामा पर्नेछ।
वैज्ञानिकहरूको यो अनुमान सत्य हुन सक्छ किनभने उनीहरूले पहिलो पटक मर्दै गरेको ताराले ‘ग्रह’ लाई निलेको क्षण अवलोकन गरेका छन्।
जानकारीका अनुसार यो ग्रहलाई ‘भोजन’ बनाउने तारा सूर्यको आकारको थियो र नष्ट भएको ग्रह बृहस्पतिको आकारको विशाल ग्यासयुक्त पिण्ड थियो।
सीनएनएनको एक रिपोर्टका अनुसार म्यासाचुसेट्स इन्स्टिच्युट अफ टेक्नोलोजी (एमआईटी), हार्वर्ड युनिभर्सिटी र क्यालिफोर्निया इन्स्टिच्युट अफ टेक्नोलोजीका वैज्ञानिकहरूको टोलीले उक्त घटनालाई अवलोकन गरेको थियो।
भविश्यमा सूर्य आगोको रातो गोलामा परिणत हुँदा हाम्रो पृथ्वीमा के हुनेछ भनेर यो एक चिन्ताजनक भविष्यवाणी हो किनकी यस्तो घटना महत्त्वपूर्ण भएको उनीहरुले भने। यसले पृथ्वी जस्ता ४ ओटा ग्रह निल्न सक्छ।
हाम्रो आफ्नै ग्रहले त्यस्तै भाग्य भेट्नेछ, तर ५ अरब वर्षको लागि यस्तो नहुने अनुसन्धानकर्ताहरू भन्छन्।
यस सम्बन्धी अध्ययन हालै नेचर पत्रिकामा प्रकाशित भएको छ। एमआईटीका पोस्टडक्टोरल अनुसन्धानकर्ता र अध्ययनका प्रमुख लेखक किशाले डेले सीएनएनलाई बताएअनुसार उनले हाई स्कूलमा पढेका थिए कि भविष्यमा हाम्रो सौर्यमण्डलका ग्रहहरू पनि सूर्यमा विलय हुनेछन्। तर यस्तो घटनालाई सम्झिने र बुझ्ने मौका पाउनु ठूलो कुरा हो।
अन्वेषकहरू बताएअनुसार मर्दै गरेको ताराले कुनै ग्रहलाई निल्नसक्छ किनभने अन्तिम क्षणमा यो आफ्नो मूल आकार भन्दा लाखौं गुणा ठूलो हुन्छ। यसबाट निस्कने इन्धनले वरपरका ग्रहहरूलाई समात्छ।
रिपोर्टका अनुसार यो घटना करिब १२ हजार प्रकाश वर्ष टाढा अक्विला नक्षत्रमा भएको थियो।यो सन् २०२० मा पत्ता लागेको थियो, त्यसबेलादेखि नै वैज्ञानिकहरूले उक्त घटनालाई अवलोकन गरिरहेका थिए।
“हामीले बुझ्न कोशिस गरेका प्रमाणहरूको मुख्य टुक्राहरू मध्ये एउटा यो हो कि प्रकोपले विस्फोटको अगाडि र पछि धूलो उत्पादन गरिरहेको थियो,” डेले भने, “जे भएपनि, ग्यास चिसो हुन र धुलोका अणुहरूलाई गाढा हुन समय लाग्छ।”
यसको मतलब टोलीले धुलोको गुणहरू बुझ्नको लागि कुर्नुपरेको डेले बताए।
प्रकाशित: २२ बैशाख २०८०, शुक्रबार
