इन्डोनेसियाले इलेक्ट्रिक कार बिक्रीमा ५ हजार डलर अनुदान दिने

काठमाडौं ।

इन्डोनेसियाको सरकारले इलेक्ट्रिक कारको प्रत्येक बिक्रीमा ५ हजार डलर भन्दा बढीको अनुदान प्रस्ताव गर्ने योजना बनाएको छ।

यसले विद्युतीय मोटरसाइकलका साथै हाइब्रिड कारको खरिदलाई प्रोत्साहन गर्न प्रोत्साहन पनि दिने इन्डोनेसियाको उद्योग मन्त्री अगुस गुमिवाङ कर्तसस्मिताले दक्षिणपूर्वी एशियाको सबैभन्दा ठूलो अर्थतन्त्रमा कार्बन उत्सर्जन घटाउने योजनाको एक भागको रूपमा बताए।

‘इन्डोनेसियामा फ्याक्ट्री भएका कम्पनीहरूद्वारा उत्पादित ईभीका खरिदकर्ताहरूलाई प्रोत्साहनहरू प्रदान गरिनेछ,’ उनले एक भिडियो वक्तव्यमा भने।

रोयटर्सकाअनुसार विद्युतीय कारको प्रत्येक बिक्रीमा करिब ८ करोड रुपिहा (५,१३१ अमेरिकी डलर) अनुदान, हाइब्रिड कारमा ४० लाख रुपिहा र पूर्ण विद्युतीय मोटरसाइकलमा ८० लाख रुपिहा अनुदान दिइने मन्त्रीले बताएका छन्।

कम्बस्टन इन्जिन मोटरसाइकललाई विद्युतीय मोटरसाइकलमा परिणत गर्नका लागि सरकारले ५० लाख रुपिहा खर्च गर्ने पनि उनले बताए।

उनले यो योजना कहिले लागु हुने र कूल बजेट चाहिने समयरेखा भने दिएनन्।