टाटा मोटर्सबाट इभी किन्न अझ सजिलो, एभरेष्ट बैंकले सस्तोमा कर्जा दिने

काठमाडौं ।

सिप्रदी ट्रेडिङ प्रालिले टाटा मोटर्सबाट विद्युतीय सवारीसाधन खरिद गर्ने योजनामा ​​रहेका ग्राहकहरूलाई ८०% सम्मको सवारी साधन ऋण दिने सम्बन्धमा हालै एभरेष्ट बैंक लिमिटेडसँग सम्झौता गरेको छ।

हाल नेपालका उत्कृष्ट इलेक्ट्रिक गाडीहरू टाटा मोटर्सले नेक्सन ईभी र टिगोर ईभी प्रदान गर्दछ।

सम्झौताअनुसार टाटा मोटर्सबाट विद्युतीय सवारीसाधन खरिद गर्न चाहने व्यक्ति वा संस्थाले एभरेष्ट बैंकका सबै शाखाबाट १२.८ प्रतिशत ब्याजदरमा ७ वर्षसम्म सहज र किफायती कर्जा सुविधा पाउनेछन् ।

सवारी साधनको कुल लागतको ८० प्रतिशतसम्म एभरेष्ट बैंकले ऋण दिनेछ । नेपाल राष्ट्र बैंकको सम्बन्धित निर्देशन र निर्देशिकाबमोजिम ऋण प्रवाह गरिनेछ।

टाटा ईभी छनोट गर्ने ग्राहकहरूले अब टाटा मोटर्सबाट कुनै पनि विद्युतीय सवारीसाधन खरिद गर्नका लागि थप सहज र द्रुत प्रक्रिया समय पाउनेछन्।

नेपालमा ईभीहरुको प्रयोगलाई तिब्रता दिन टाटा मोटर्स र सिप्रदीले २ वटा विभिन्न विद्युतीय सवारी साधनहरु प्रदान गर्दछ। कम्पनीले नेपालमा सबैभन्दा मनपर्ने इलेक्ट्रिक एसयूभी-नेक्सन इभी र सबैभन्दा रुचाइएको इलेक्ट्रिक सेडान टिगोर इभी उपलब्ध गराएको छ।