काठमाडौं ।
चीनले सन् २०२५ सम्ममा ४हजार देखि ६ हजार साना तथा मझौला उद्यमहरूको डिजिटल रूपान्तरणमा मद्दत गर्न करिब ३०० सेवा प्लेटफर्महरूलाई सहयोग गर्ने उद्योग तथा सूचना प्रविधि मन्त्रालय र अर्थ मन्त्रालयले बुधबार जनाएको छ।
“सन् २०२२ देखि सन् २०२५ सम्म, केन्द्रीय सरकारले साना र मध्यम आकारका उद्यमहरूको लागि डिजिटल रूपान्तरण पाइलटहरू सञ्चालन गर्न स्थानीय सरकारहरूलाई सहयोग गर्ने योजना बनाएको छ,” मन्त्रालयहरूले एक संयुक्त विज्ञप्तिमा भने।
सन् २०२२ मा मात्रै, केन्द्रीय सरकारले फर्महरूको डिजिटलाइजेसनलाई गति दिन प्रोत्साहनका साथ लगभग १०० सेवा प्लेटफर्महरूलाई समर्थन गर्ने योजना बनाएको रोयटर्सले उल्लेख गरेको छ।
प्रत्येक प्लेटफर्मले आफ्नो डिजिटल रूपान्तरण पूरा गर्न कम्तिमा १० फर्महरूलाई मद्दत गर्नुपर्छ र प्रत्येक प्लेटफर्मको लागि अधिकतम पुरस्कार ६० लाख युआन भन्दा बढी हुनु हुँदैन्।
कार्यक्रमले अटोमोबाइल पार्टपुर्जा, इलेक्ट्रोनिक उपकरण र औषधि तथा रसायनिक उत्पादन जस्ता प्रमुख उद्योगहरूमा रहेका फर्महरूलाई लक्षित गर्ने विज्ञप्तिमा भनिएको छ।
साना फर्महरू चीनको अर्थतन्त्रको मुख्य आधार र रोजगारीको प्रमुख स्रोत हुन्, तर तिनीहरूमध्ये धेरैलाई यस वर्ष कडा कोभिड-सम्बन्धित बाधाहरुले कडा मारमा पारेको छ।
प्रकाशित: ३ भाद्र २०७९, शुक्रबार
