यस्ता छन् राष्ट्रिय सभा सदस्य देवकोटाकाअनुसार सिसीटिभी क्यामराको फाइदाहरु, जानिराख्नुस्

काठमाडौं ।

राष्ट्रिय सभा सदस्य डा. खिमलाल देवकोटाले सबै मन्त्रालयका मन्त्री र सचिवको गुप्त कोठाहरुमा सिसीटिभी क्यामरा राख्न माग गरेका छन् ।

उनले राष्ट्रिय सभाको आइतवारको बैठकमा बोल्दै त्यस्ता कोठाहरुमा गरिने काम कारबाहीको सीसीटिभी क्यामराको भिडियोहरु सर्वसाधारणले देखिने गरी राख्न माग गरेका छन्। यसका साथै देवकोटाले सिसीटिभीका फाइदाहरुका बारेमा समेत उल्लेख गरे ।

उनले राष्ट्रिय सभा बैठकमा भनेका सीसीटिभी क्यामरा फाइदाहरु यस्ता छन्ः-

• सिसीटिभी राख्दा अनावश्यक भेटघाट रोक्छ।
• समयमै कार्यालय पुग्ने बानीको विकास हुन्छ।
• कार्यालय छाडेर एनजीओ, आईएनजीओका कार्यक्रम र अनावश्यक रूपमा रिबन काट्न जाने बानीमा सुधार ल्याउँछ।
• बिचौलियाहरुसँगको उठबस घट्छ।
• राती राती कार्यालयमा बसेर नितीगत भ्रष्टाचार र ठेक्कापट्टाका कागतपत्र मिलाउने जस्ता कानून विपरितका कार्यको अन्त्य हुन्छ।
• निर्णय प्रकृयामा हुने ढिला सुस्तीलाई रोक्छ।
• कार्यालयमा बसेर लोकसेवालगायतका प्रश्नपत्र बनाउने लगायतका कार्यहरु बन्द हुन्छ।
• चिया गफ र अनावश्यकरुपमा सामाजिक सञ्जालमा रमाउने प्रवृतीमा कमी ल्याउँछ।
• दूर दराजदेखि गुनासो र समस्या लिएर आउनेले समयमा नै भेट्न पाउँछन्।
• पिएहरुले अनावश्यक दुख दिने प्रवृत्तिको अन्त्य हुन्छ।
• सञ्चारकर्मी र सामाजिक सञ्जाल प्रयोगकर्ताहरुको निरन्तर निगरानीले जवाफदेहिताको विकास हुन्छ।

सबै मन्त्रालयका मन्त्री र सचिवको गुप्त कोठामा सिसीटिभी क्यामरा राख्न सांसद देवकोटाको माग