आर्थिक समाचार

बागमती प्रदेशमा चालु आवदेखि बढ्यो इलेक्ट्रीक स्कुटरको वार्षिक कर, कारमा भने पुरानै दर

बागमती प्रदेशमा चालु आवदेखि बढ्यो इलेक्ट्रीक स्कुटरको वार्षिक कर, कारमा भने पुरानै दर
Global IME Bank

बागमती प्रदेश सरकारले विद्युतीय मोटरसाइकल तथा कारमा लाग्ने वार्षिक राजस्वको दरमा वृद्धि गरेको छ। आर्थिक वर्ष २०७८/७९ को बजेट मार्फत विद्युतीय दुई पाङ्ग्रे सवारी साधनमा लाग्ने कर वृद्धि गरेकोमा साउन १ गतेदेखि नयाँ दर लागू भएको हो।

नयाँ करअनुसार ३५० वाटदेखि १,००० वाटसम्म मोटर क्षमता रहेका स्कुटर तथा मोटरसाइकलको कर ५०० रुपैयाँले वृद्धि गरेको हो । अघिल्लो वर्ष यस्ता साधनले १ हजार ५०० रुपैयाँ वार्षिक कर तिर्नु पर्ने थियो । तर, चालु आवदेखि यसलाई बढाएर २ हजार रुपैयाँ बनाइएको छ।

त्यसैगरि १ हजार वाटदेखि १ हजार ५०० वाटसम्मका साधनमा पनि ५०० रुपैयाँले वृद्धि गरिएको छ। अघिल्लो आर्थिक वर्षमा २ हजार रुपैयाँ वार्षिक कर रहेकोमा चालु आवमा २ हजार ५०० रुपैयाँ बनाइएको छ । १५०० वाटभन्दा माथि क्षमता भएका मोटरसाइकल तथा स्कुटरको दर भने ३ हजार कायम गरिएको छ। यसमा कुनै परिवर्तन गरिएको छैन् ।

दुई पाँग्रे इलेक्ट्रीक भेहिकलमा राजस्व बढाए पनि बागमती प्रदेश सरकारले विद्युतीय कारमा लाग्ने वार्षिक करमा भने परिवर्तन गरेको छैन् ।

प्रदेशले चालु आवमा इलेक्ट्रीक कार, जीप, भ्यान र माइक्रोबस प्रयोग गर्नेहरुले ५० किलोवाटदेखि १२५ किलोवाटसम्मका सवारी साधन राखे वापत वार्षिक १५ हजार, १२६ किलोवाटदेखि २२५ किलोवाटसम्मलाई २० हजार र २२६ किलोवाट माथि क्षमतका मोटर जडान भएका गाडीलाई ३० हजार वार्षिक कर असुल गर्ने भएको छ ।

Sajilo Visa
easy care