Apple

टेक कम्पनी एप्पलका विश्वभरका आधिकारीक स्टोरहरु अस्थाईरुपमा बन्द, चीनमा भने खुला हुने

टेक कम्पनी एप्पलका विश्वभरका आधिकारीक स्टोरहरु अस्थाईरुपमा बन्द, चीनमा भने खुला हुने
Global IME Bank

विश्वभर कोरोनाभाइरसको प्रकोप देखिएसँगै टेक कम्पनी एप्पलले आफ्ना विश्वभरका स्टोरहरु बन्द गरेको छ । कम्पनीका सिईओ टिम कुकले आजै आधिकारी स्टोरहरु बन्द गर्ने घोषणा गरेका हुन् ।

अमेरिकी टेक कम्पनी एप्पलले यसअघि चीनमा रहेका आफ्ना स्टोरहरु शुक्रकार मात्र खुला गरेको थियो । तर अब भन कम्पनीले चीनभन्दा बाहिरका सम्पूर्ण स्टोरहरु बन्द गर्ने निर्णय गरेको हो ।

एप्पलका विश्वभरका स्टोरहरु आगामी मार्च २७ तारिखसम्म बन्द रहने कुकले जानकारी दिएका छन् ।

यसका साथै कम्पनीले विश्वभर कोरोनाभाइरसको प्रकोपलाई नियन्त्रणमा सहयोग गर्न १५ मिलियन अमेरिकी डलर दिने प्रतिबद्दता जनाएको छ ।

कम्पनीका चीनमा भएका स्टोरहरु यसअघि करिब २ महिनासम्म बन्द भएका थिए । जहाँ कोरोनाभाइरसको ब्यापक प्रकोप देखिएको थियो भने हाल सो नियन्त्रणमा आईसकेको बताईएको छ ।

एप्पलले आफ्ना कर्मचारीहरुले घरबाट नै का मगर्न भनेको छ भने सम्पूर्ण स्टोरहरुलाई पूर्णरुपमा सरसफाई गरिने छ ।

कम्पनीले घण्टाको आधारमा काम गर्ने कामदारहरुलाई समेत तलब दिने जानकारी दिएको छ ।

एप्पलले आफ्ना स्टोरहरु बन्द गरेपनि एप्पल वेबसाइटबाट सामान किन्न सक्ने वा अन्य अनलाइनमार्फत खरिद गर्न सकिने व्यवस्था गरेको छ ।

कम्पनीले दिने रकम बिरामीहरुको उपचारमा खर्च हुने र प्रकोपको आर्थिक असर कमगर्न उपयोगी हुने एप्पलले जनाएको छ ।

स्रोत

Sajilo Visa
easy care