काठमाडौं ।
नासाले पावरमा आएको समस्याका कारण अन्तरिक्षमा रहेको आफ्नो एउटा टेलिस्कोप क्यामरा बन्द गरेको छ।
चन्द्र एक्स-रे अब्जरभेटरीको उक्त क्यामरा बन्द भएका कारण २ दशकदेखि ब्रह्माण्डको अति तातो क्षेत्रको अध्ययन गरिरहेकोमा उक्त वैज्ञानिक काम रोक्नुपरेको छ।
उक्त टेलिस्कोपमा रहेको हाइ रेजोल्युशन क्यामरा गत फेब्रुअरी ९ मा समस्या आएको नासाले जनाएको छ।
नासाका वैज्ञानिकहरुले अहिले उक्त समस्याको अध्ययन गरिरहेको र उक्त अब्जरभेटरीलाई सकेसम्म छिटो पुन: काममा फर्काउने उपाय खोजिरहेका ग्याजेट्स३६० ले उल्लेख गरेको छ।
नासाले हालसम्म उक्त टेलिस्कोपमा रहेको समस्या पत्ता लगाउन सकेको छैन। चन्द्र एक्स-रे अब्जरभेटरी सन् १९९९ मा स्पेस शटल कोलम्बियामा राखेर प्रक्षेपण गरिएको थियो।
Chandra's High Resolution Camera (HRC) was powered down after being discovered in an anomalous state. The cause is currently under investigation.
All other aspects of Chandra are performing nominally and work is underway to resume ACIS science observations by early next week.
— Chandra CDO (@chandraCDO) February 16, 2022
त्यसपछि यसले अनगिन्ती डाटा पृथ्वीमा पठाइसकेको छ जसले वैज्ञानिकरुलाई ब्रह्माण्डका थुप्रै रहस्य र उद्विकासका बारेमा थाहा पाउन सघाउ पुगेको छ।
प्रकाशित: ६ फाल्गुन २०७८, शुक्रबार
