काठमाडौं ।
म्युजिक स्ट्रिमिङ सेवाको माग संसारभरि बढिरहेको छ। एक मनोरञ्जन अनुसन्धान फर्म ‘एमआईडिआईए’ को नयाँ रिपोर्ट अनुसार, २०२१ को दोस्रो क्वाटरमा ५२ करोड ३९ लाख मानिसहरूले विश्वव्यापी रूपमा संगीत स्ट्रिमिङ सेवाको सदस्यता लिएका छन्।
यो अघिल्लो वर्षको तुलनामा १० करोड ९५ लाख तथा २६.४ प्रतिशत वृद्धि भएको टेकक्रन्चको रिपोर्टमा उल्लेख छ।
यद्यपि स्पोटीफाइ सबैभन्दा धेरै सदस्यता लिने स्ट्रिमिङ सेवा बनेको छ, यससँग हाल बजारको ३१ प्रतिशत स्वामित्व रहेको छ। तर यसको प्रभुत्व बिस्तारै घट्दै गएको देखिन्छ किनकी यसले २०२० मा बजारको ३३ प्रतिशत र २०१९ मा ३४ प्रतिशत हिस्सा लिएको थियो।
२०२१ को दोस्रो त्रैमासमा यसको प्रतिस्पर्धीहरू भन्दा स्पोटीफाइले अघिल्लो वर्षमा थप कुल सदस्यहरू थप्यो। तर स्पोटीफाइ २० प्रतिशतले बढ्दा अमेजन म्यूजिक २५ प्रतिशतले बढ्यो।
यसैबीच, गुगलको युट्युब म्युजिकले २०२१ दोस्रो त्रैमाससम्मको वर्षमा ५० प्रतिशत भन्दा बढि वृद्धि गर्यो, जसले यसलाई विश्वव्यापी बजारमा यसको समग्र हिस्सा बढाउने एक मात्र पश्चिमी स्ट्रिमर बनाएको छ।
टेन्सेन्ट म्युजिक सञ्चालन गर्ने चिनियाँ गेमिङ कम्पनी टेन्सेन्टको अमेजन म्युजिकको जस्तै प्रतिशत बजार हिस्सा छ।
अमेजन म्युजिक र एप्पल म्युजिकको बजार सेयर बढ्न जारी रहन सक्छ किनभने यो रिपोर्टले २०२१ को दोस्रो त्रैमाससम्म मात्र समेट्छ। यसले अमेजन र एप्पल दुवैमा मे महिनामा आउने लसलेस अडियोको प्रभाव देखाउँदैन।
प्रकाशित: ८ माघ २०७८, शनिबार
