काठमाडौं ।
ट्विटर इंकका सुरक्षा प्रमुखले अब कम्पनी छोड्ने र यसको प्रमुख सूचना सुरक्षा अधिकारी आगामी हप्ताहरूमा प्रस्थान गर्ने बताएको छ।
ट्वीटरका सह-संस्थापक ज्याक डोर्सीले नोभेम्बरमा प्रमुख कार्यकारीको पदबाट राजीनामा दिएपछि यो परिवर्तन आएको रोयटर्सले उल्लेख गरेको छ। शीर्ष पदमा डोर्सीले पराग अग्रवाललाई अधिकार हस्तान्तरण गरेसँगै उनले सोसल मिडिया कम्पनीको नेतृत्व संरचनालाई पुनर्गठन गरेका छन्।
ट्विटरले कम्पनी छोड्ने कार्य स्वैच्छिक थियो कि थिएन भनेर निर्दिष्ट गरेन।
“मज” भनेर चिनिने प्रख्यात ह्याकर पिटर जाट्कोलाई कम्पनीले २०२० मा सुरक्षा प्रमुख नियुक्त गरिएको थियो जब ट्विटरले एक सेक्युरिटी ब्रीचको सामना गर्यो जसले ह्याकरहरूलाई अर्बपति बिल गेट्स र टेस्लाका सीईओ इलन मस्क लगायतका सार्वजनिक व्यक्तित्वहरूको प्रमाणित खाताहरूबाट ट्वीट गर्न अनुमति दिएको थियो।
टि्वटरबाट जाट्को सँगै रिंकी सेठीले पनि छोड्नेछिन्।
प्रकाशित: ८ माघ २०७८, शनिबार
