काठमाडौं ।
नेटफ्लिक्सले मङ्गलबार भारतमा आफ्ना स्ट्रिमिङ सेवाहरूको मूल्य घटाएको छ। छिमेकी राष्ट्रमा पाँच वर्षअघि सेवा सुरु गरेपछि पहिलो पटक, नेटफ्लिक्स ससक्त प्रतिद्वन्द्वीहरु डिज्नी र अमेजनसँग कडारुपमा प्रतिस्पर्धा गर्न अघि बढेको छ।
स्ट्रिमिङ जायन्टले प्रयोगकर्ताहरूलाई एउटै डिभाइसमा सामग्री हेर्न दिने आधारभूत योजनाको लागि ६० प्रतिशतले रकम घटाएर नयाँ मूल्य १९९ भारु प्रति महिना कायम गरेको ब्लगपोस्टमा जानकारी दिएको छ।
भारतमा बढ्दो कम्पिटिशन र डिजिटल कन्टेन्टको मागलाई ध्यानमा राखेर ओटीटी प्लेटफर्म नेटफ्लिक्स इण्डियाले प्लानको मूल्य कम गरेको हो। अमेजन प्राइम र डिज्नी प्लस हटस्टारद्वारा आफ्नो प्लानहरुमा वृद्धि गरेपछि नेटफ्लिक्सले पनि आफ्नो प्लानको मूल्य बढाउन सक्ने अनुमान गरिएको थियो।
तर, कम्पनीले उल्टो आफ्नो सेवा शुल्क कम गरेर ग्राहकहरुलाई सरप्राइज दिएको छ। अब प्रयोगकर्ताहरूले नेटफ्लिक्सको आधारभूत योजना भारु १५० भन्दा कममा किन्न सक्नेछन्।
भारतीय सेवाग्राहीहरुले नेटफ्लिक्सको सबैभन्दा सस्तो प्लान अर्थात मोबाइल प्लान अब प्रतिमहिना १४९ भारुमा नै पाउने छन्। साथै, प्रिमियम प्लान अब प्रति महिना ७९९ बाट घटेर ६४९ भारतीय रुपैयाँमा झरेको छ।
कम्पनीकाअनुसार स्ट्याण्डर्ड प्लानको मूल्य भारु ६४९ बाट घटाएर नयाँ मूल्य ४९९ भारु कायम गरेको छ।
नयाँ मूल्यहरू “वास्तविक ‘मनी हेइस्ट'” थिए, नेटफ्लिक्सले आफ्नो एक लोकप्रिय टेलिभिजन शोको नाम प्रयोग गरेर, तर तिनीहरूको लागि कुनै तर्क नगरी आफ्नो घोषणामा भनेको छ।
भारतीय बजारमा अमेजन प्राइमको मूल्य १७९ भारुदेखि शुरु छ भने डिज्नी प्लस हटस्टारको सेवा शुल्क १४९९ भारु तोकिएको छ।
प्रकाशित: २९ मंसिर २०७८, बुधबार
