काठमाडौं ।
ह्वाट्सएपले नियमितरुपमा करोडौं एकाउन्टहरु माथि प्रतिबन्ध लगाउँदै आएको छ। मेसेजिङ्ग एपले एकाउन्टका सेवाका सर्तहरू उल्लङ्घन गरेकोमा प्रतिबन्ध लगाउँदै आएको छ।
यसको बारेमा ह्वाट्सएपले प्रतिवेदनहरु समेत जारी गर्ने गर्दछ।जसमा प्रयोगकर्ताहरूबाट प्राप्त गुनासोहरूको प्रतिक्रियामा के कारबाही गर्छ भन्ने बारे मासिक रिपोर्टहरू प्रकाशित गर्दछ।
प्लेटफर्ममा प्रयोगकर्ताहरूलाई इस्यूहरु रिपोर्ट गर्न प्रोत्साहित गर्ने र सम्भावित नक्कली समाचार र स्पाम सन्देशहरू बारे मानिसहरूलाई सचेत गराउने उपायहरू पनि समावेश छन्। यद्यपि व्हाट्सएप सन्देशहरू इण्ड-टू-इण्ड इन्क्रिप्टेड छन्, यसको मतलब यो होइन कि प्रयोगकर्ताहरूले केहि पनि सेयर गर्न सक्छन्। किनकि व्हाट्सएपले धेरै मेटा डाटा ट्र्याक गर्दछ।
ह्वाट्सएपले आफ्नो आधिकारिक वेबसाइटमा स्पष्ट रूपमा भनेको छ कि यदि कुनै प्रयोगकर्ताले यसको सेवाका सर्तहरू उल्लङ्घन गरेमा उसले खातालाई प्रतिबन्ध लगाउनेछ।
ह्वाट्सएपको ‘टर्म्स अफ सर्भिस’ अनुसार, यी ८ कुरा गर्नाले प्लेटफर्मले तपाईंको खातालाई प्रतिबन्ध लगाउन सक्छ। थप रूपमा, केहि अपराधहरूको लागि, प्रयोगकर्ताको मेटा डाटा पनि पक्राउ लगायतका कानुनी कारबाहीका लागि व्हाट्सएप पुलिसलाई दिन सक्दछ।
ह्वाट्सएपमा यी ८ गल्तिहरु कहिले नगर्नुस्:-
>> यदि तपाईंले कसैको नक्कली खाता बनाउनुभयो भने, ह्वाट्सएपले तपाईंको खातामा प्रतिबन्ध लगाउनेछ।
>> यदि कुनै व्यक्ति तपाईंको सम्पर्क सूचीमा छैन र तपाईंले त्यो व्यक्तिलाई धेरै सन्देशहरू पठाउनुभयो भने पनि ह्वाट्सएपले तपाईंलाई प्रतिबन्ध लगाउन सक्छ।
>> यदि तपाइँ व्हाट्सएप डेल्टा, जीबीह्वाट्सएप (GBWhatsApp), व्हाट्सएप प्लस आदि जस्ता थर्ड पार्टी एपहरू प्रयोग गर्नुहुन्छ भने, व्हाट्सएपले तपाइँलाई प्रतिबन्ध लगाउन सक्छ।
>> यदि तपाईंलाई धेरै प्रयोगकर्ताहरूले ब्लक गरेका छन भने व्हाट्सएपले तपाईंलाई प्रतिबन्ध लगाउन सक्छ।
>> यदि धेरै मानिसहरूले तपाईंको ह्वाट्सएप खाता विरुद्ध रिपोर्ट गरेको बेलामा तपाईं प्रतिबन्धित हुन सक्नुहुन्छ।
>> यदि तपाईंले प्रयोगकर्ताहरूलाई मालवेयर वा फिसिङ लिङ्कहरू पठाउनुभयो भने, व्हाट्सएपले तपाईंलाई प्रतिबन्ध लगाउनेछ।
>> ह्वाट्सएपमा अश्लील क्लिप, धम्की वा अपमानजनक सन्देशहरू नपठाउनुहोस्। नत्र सिधै व्हाट्सएपले तपाईंलाई प्रतिबन्ध लगाउनेछ।
>> ह्वाट्सएपमा हिंसालाई बढावा दिने नक्कली सन्देश वा भिडियोहरू नपठाउनुहोस्।
प्रकाशित: २७ मंसिर २०७८, सोमबार
