ताजा समाचार

दश लाख यूनिट बिक्यो पोको एम२ स्मार्टफोन भारतीय बजारमा

दश लाख यूनिट बिक्यो पोको एम२ स्मार्टफोन भारतीय बजारमा
Global IME Bank

पोकोले सन् २०१८ मा पोको एफ१ सार्वजनिक गरेर स्मार्टफोन बजारमा तहल्का मच्चाएको थियो । पोकोले उक्त वर्ष फ्ल्यागसिप एसओसी, स्न्यापड्रागन ८४५ लाई सस्तो मूल्यमा बजारमा उतारेको थियो ।

सन् २०१९ मा पोको ब्रान्ड नयाँ स्मार्टफोन बजारमा देखिएको थिएन् । सन् २०२० बाट शाओमीबाट अलग भएको थियो । यसले पनि पोको नयाँ फोन बजारमा आउने केहि ढलाई गरेको थियो । पोको एक्स३ र पोको एम३ सार्वजनिक गरेपछि कम्पनीको व्यापारमा सुधार देखिन थालेको छ ।

विवादास्पद रणनीतिका बाबजुत पोको फोनले भारतमा राम्रो बजार लिएको छ । केहि समय अघि पोकोले भारतमा एक मिलियन युनिट इन्ट्री लेभलको पोको सी३ बिक्री गरेको घोषणा गरेको थियो । हाल कम्पनीले पोको एम२ मा पनि यो उपलब्धि हासिल गरेको छ ।

पोको एम२ भारतमा सन् २०२० को मध्यमा सार्वजनिक गरिएको थियो । यो मूलत रेडमी ९ नै थियो जुन केहि डिजाइन परिवर्तन गरिएर बजारमा ल्याइएको थियो । यसमा त्यही डुअल टोन डिजाइन छ जुन पोको एम२ र रेडमी नो ९ प्रोमा रहेको थियो । फ्लिपकार्टमा मात्र खरिद गर्न सकिने लो–इन्डको स्मार्टफोनका लागि यो एउटा महत्वपूर्ण माइलस्टोन हो ।

पोको एम२ को विषेशता

अक्टाकोर प्रोसेसर, क्वाड रियर क्यामरा, र ठूलो ब्याट्री जस्ता सुविधाहरू फोनमा प्रदान गरिएको छ । फोनमा २ र्याम विकल्प र तीन कलर भेरियन्टको साथ उपलब्ध छ ।

फोनको ६ जीबी र्याम र ६४ जीबी आन्तरिक भण्डारण तथा ८ जीबी र्याम र ६ जीबी १२८ आन्तरिक भण्डारण संस्करणको विकल्प छ ।

पोको एम २ मा ६.५२ इन्च फुल एचडी प्लस डिस्प्ले छ । स्क्रिनको सुरक्षाका लागि कर्निंग गोरिल्ला ग्लास ३ फोनमा प्रयोग गरिएको छ । फोनमा २.० गीगाहर्ज मिडियाटेक हेलियो जी८० प्रोसेसर राखिएको छ ।

फोन एन्ड्रोइड १० मा आधारित एमआईयूआईमा काम गर्दछ । क्यामेराको बारेमा कुरा गर्दा पोको एम २ सँग क्वाड रियर क्यामरा सेटअप छ । यसमा १३ मेगापिक्सलको प्राइमरी क्यामरा, ८ मेगापिक्सलको अल्ट्रा वाइड एंगल लेन्स, ५ मेगापिक्सल म्याक्रो लेन्स र २ मेगापिक्सलको डेप्थ सेन्सर छ । सेल्फीका लागि फोनको अगाडि ८ मेगापिक्सलको क्यामरा प्रदान गरिएको छ ।

पावरका लागि, ५,००० एमएएच ब्याट्री पोको एम २ मा प्रदान गरीएको छ । कम्पनीले सिंगल चार्जमा ब्याट्री २ दिनसम्म चल्ने दाबी गरेको छ । फोन ब्याट्री १८ वाटको फास्ट चार्जिंग सपोर्टमा उपलब्ध छ । जडान फोनमा आईआर ब्लास्टर, ब्लुटुथ ५.०, ३.५ एमएम अडियो ज्याक र अल्ट्रा लाइनियर स्पिकर लगायत सुविधा छन् । एजेन्सी

Sajilo Visa
easy care