अब स्मार्टफोनमा ६०० मेगापिक्सेलको मुख्य क्यामरा !

काठमाडौं ।

दक्षिण कोरियाली टेक जायन्ट सामसङ हाल ६०० मेगापिक्सेल सेन्सरमा काम गर्दैछ। ६०० मेगापिक्सेल क्यामराले ४ के र ८के भिडियो रेकर्डिगमा जुम शटहरूको विवरण कायम राख्न काम गर्न सक्दछ।

सामसङको ६०० मेगापिक्सेल क्यामरा हाल प्रगतिशील चरणमा रहेको हालै लीक भएका जानकारीमा आएको छ।

लोकप्रिय टिपस्टर आइस यूनिभर्सले एक ट्वीटमा भनेका छन् कि सामसङले हाल ६०० मेगापिक्सेल सेन्सरमा काम गरिरहेको छ र यसको आकार १/०.५७ इन्च हुन सक्छ। यो क्यामरा सेन्सर अहिलेसम्म उपलब्ध कुनै पनि स्मार्टफोन सेन्सर भन्दा ठूलो हुन सक्छ।

अहिलेको कुरा गर्ने हो भने, ह्वावेको पी४० प्रो प्लसमा १/१.२८ इन्च सेन्सर प्रदान गरिरहेको छ, जुन यस समयमा स्मार्टफोन सेन्सरहरू मध्ये सबैभन्दा ठूलो हो।

लीक डकुमेन्टहरूको आधारमा, यो भनिन्छ कि सामसङले आइएसओसेल ६०० मेगापिक्सेल सेन्सर लन्च गर्नु अघि यसको विकाससँग सम्बन्धित धेरै चुनौतीहरूको सामना गर्नुपर्ने हुनसक्छ।

Samsung is really doing 600MP sensors! pic.twitter.com/vGgsfxsGGh

— Ice Universe (@UniverseIce) December 5, 2020

लीकस्टारले फेला पारेको आन्तरिक कागजातका अनुसार कम्पनीले फोनको पछाडिको प्यानलमा ६०० एमपीको सेन्सरको कारण हुने क्यामरा बम्प कम गर्न समेत काम गरिरहेको छ। अहिले पछाडि प्यानलमा राखेपछि यो २२ मिमिको हुन्छ। कागजातले बताउँछ कि यसले स्मार्टफोनको पछाडि प्यानलमा १२ प्रतिशत हिस्सा ओगटनेछ।

कम्पनीले ६००-मेगापिक्सेल सेन्सर कहिलेसम्म सुरू गर्ने भन्ने बारेमा कुनै पनि जानकारी खुलाइएको छैन। यद्यपि यो निश्चित छ कि सामसङले स्मार्टफोनमा यस सेन्सर अफर गर्नु अघि कडा मेहनत गर्नुपर्दछ।

हालसम्म सामसङले यसको ग्यालेक्सी नोट २० अल्ट्रा र ग्यालेक्सी एस २० अल्ट्रा स्मार्टफोनमा १०८ मेगापिक्सेलको सेन्सर प्रदान गरिरहेको छ। एजेन्सी