काठमाडौं ।
अमेरिकी ई-वाणिज्य कम्पनी अमेजनलाई भारतमा एक ठूलो झटका लागेको छ। भारतीय प्रतिस्पर्धा आयोग (सीसीआई)ले रिलायन्स उद्योग र फ्यूचर समूह बीच भएको सम्झौता अनुमोदन गरेको छ।
महत्त्वपूर्ण कुरा, रिलायन्स समूहले अगस्टमा फ्युचर ग्रुपको रिटेल, थोक, गोदाम र लजिस्टिक व्यवसायको लागि २४,७१३ करोड भारुको सम्झौतामा हस्ताक्षर गरेको थियो।
अमेजनले सो सम्झौताको विरोध गरिरहेको छ र सिंगापुर मध्यस्थता अदालतले अमेजनको पक्षमा फैसला सुनाएको थियो ।
सीसीआईले शुक्रबार ट्वीट गरेको छ, ‘फ्यूचर ग्रुपको रिटेल, थोक, गोदाम र लजिस्टिक व्यवसायको रिलायन्स रिटेल वेंचर्स लिमिटेड र रिलायन्स रिटेल एण्ड फेशन लाइफस्टाइल लिमिटेडद्धारा गरिएको अधिग्रहणको लागि सम्झौता स्वीकृत गरेको छ।’
सीसीआई बजारमा अनुचित ट्रेडिंग गतिविधिहरूमा निगरानी र प्रतिस्पर्धा कायम गर्न नियामकको रूपमा कार्य गर्दछ।
अमेजन फ्यूचर र रिलायंस सम्झौताको बिरूद्ध कानुनी लडाईसमेत लड्दै छ। फ्यूचर ग्रुप र अमेजन बीचको मामला पनि दिल्ली उच्च अदालतमा विचाराधीन छ। शुक्रबार, दिल्ली उच्च अदालतले फ्यूचर ग्रुपले अमेजन सम्झौताको हस्तक्षेप रोक्नको लागि गरेको याचिकामा आफ्नो निर्णय सुरक्षित राख्यो। अदालतले सम्बन्धित पक्षहरुलाई यसमा लिखित प्रतिक्रिया पेश गर्न नोभेम्बर २३ तारिखसम्म समय दिएको छ।
अमेजनले यस सम्झौताको बारेमा सेबीलाई पनि गुनासो गरेको छ।
सिंगापुर आर्बिट्रेशन अदालतले आफ्नो अन्तरिम निर्णयमा फ्यूचर ग्रुप र मुकेश अंबानीको नेतृत्वमा रहेको रिलायन्स इंडस्ट्रीज बीच २४,७१३ करोड भारुकरोडको कारोबारको समीक्षा गरेको थियो।
रिलियन्स ईन्डस्ट्रीजको सहयोगी कम्पनी रिलायन्स रिटेल वेंचर्स लिमिटेड (आरआरवीएल)ले यस बर्ष अगस्टमा फ्युचर ग्रुपको रिटेल र थोक व्यापार तथा लजिस्टिक एण्ड वेयरहाउस व्यवसाय अधिग्रहण गर्ने घोषणा गरेको थियो । यसमार्फत रिलायन्सले फ्यूचर ग्रुपको देशका ४२० शहरहरूमा फैलिएको बिग बजार, ईजीडे और एफबीबीको १८०० भन्दा बढी स्टोरहरूमा पहुँच दिनेछ।एजेन्सी
प्रकाशित: ७ मंसिर २०७७, आईतवार
