भारतमा सेप्टेम्बरदेखि ५जीको परीक्षण हुनसक्ने, चिनियाँ कम्पनीहरुलाई सहभागी हुन रोक

काठमाडौं ।

भारतले नयाँ पुस्ताको प्रविधिमा आधारित मोबाइल सेवा संचालन गर्ने योजना लिएकोछ । भारतको टेलिकम क्षेत्रलाई नयाँ टेक्नोलोजीतर्फ पुर्‍याउन ५जी सेवामा द्रुत गतिमा प्रगति भइरहेको बताईएको छ।

५जीको परीक्षण अर्को महिना अर्थात सेप्टेम्बरबाट सुरु हुन सक्ने विश्वास गरिएको छ। यसको लागि दूरसञ्चार विभागले कम्पनीहरूलाई स्पेक्ट्रम उपलब्ध गराउन विचार गरिरहेको छ ताकि यसलाई चलाउन सकियो। यद्यपि हालसम्म स्पेक्ट्रम लिलाम गरीएको छैन।

भारतीय मिडिया रिपोर्टहरुकाअनुसार भारतको दूरसञ्चार विभागले देशभर पूर्ण रुपमा सेवा सुरु गर्नु अघि यस सेवाको पूर्ण परीक्षण गर्न चाहेको छ।

रिपोर्टमा एक अधिकारीलाई उद्धृत गर्दै दाबी गरिएको छ कि कम्पनीहरूले कम्तिमा ६ महिनासम्म ५ जी उपकरण र स्पेक्ट्रमको परीक्षण गर्नुपर्नेछ।

रिपोर्टका अनुसार यदि यो ट्रायल सफल भयो भने भारतीय सरकारले अर्को बर्षमा ५ जी स्पेक्ट्रम लिलामी गर्ने बारेमा छलफल गर्नेछ।

५ जीको प्रयोगको साथसाथै भारतभर इन्टरनेटको गति बढ्ने र मानिसहरुको लागि राम्रो इन्टरनेट अनुभव हासिल हुने अपेक्षा गरिएको छ।

देशमा अहिलेसम्म ४जी सेवा चालू रहेको छ जून सन् २०१२ मा ब्रोडब्यान्डको रूपमा सुरू गरिएको थियो। २०१४ मा, एयरटेलले यसलाई मोबाइल सेवामा पनि सुरू गरेको थियो। यस पछि सबै प्रमुख कम्पनीहरू बिस्तारै यस सेवामा प्रवेश गरेका हुन्।

भारतको ५जी प्रविधिको लागि केवल ३ कम्पनीहरुलाई मात्र अनुमति दिईन सक्नेछ भने चिनियाँ कम्पनीहरूलाई अनुमति नदिने बताईएको छ ।

रिपोर्टकाअनुसार चिनियाँ कम्पनीहरुलाई यस ट्रायलको लागि प्रवेश दिइने छैन। टेलिकम विभागले दिएको सुझावअनुसार चिनियाँ कम्पनीहरू ५जी सेवाको परीक्षण वा लिलामी प्रक्रियामा संलग्न हुन सक्नेछैनन्।

टेलिकम विभागका एक अधिकारीका अनुसार नोकिया, सामसङ र एरिक्सनलाई मात्र यस ट्रायलमा भाग लिन अनुमति दिइएको छ।

५जी सेवा पहिले यी कम्पनीहरूको उपकरणहरूमा परीक्षण गरिनेछ। एजेन्सीका साथ