काठमाडौं ।
भारतीय बजारमा चीनबाट आयातमा प्रतिबन्ध र चीन विरोधी वातावरणका कारण मोबाइल एसेसरिजिजको मूल्य बढेको छ।
भारतीय बजारमा करिब ७० देखि ८० प्रतिशत चार्जरहरू, स्क्रीन गार्डहरू, कभरहरू, केबलहरू चीनबाट आयात हुन्छन्।
चिनियाँ आयात र सामाग्रीमा प्रतिबन्धसँगै अब तिनीहरूको मूल्य २० देखि २५ प्रतिशतले बढेको छ।
चीनबाट आयातमा भन्सारको कडाईको असर देशको मोबाइल उपकरणहरूमा देखा पर्न थालेको बताईएको छ । जसले गर्दा भारतीय बजारमा उत्पादनहरू उपलब्ध छैनन् र यदि तिनीहरू उपलब्ध भएका भएपनि निकै धेरै मूल्यमा मात्र किन्न सकिने अवस्था रहेको छ ।
मोबाइल फोनका लागि अत्यावश्यक हुने एसेसरिज मोबाइल चार्जर, केबल, कभर, स्क्रीन गार्डको मूल्य २० देखि २५ प्रतिशतले बढेको छ।
वास्तवमा यी एसेसरिजहरु चीनबाट आयात हुने र भारतमा बिक्री हुँदै आएका छन् । अब भने भारतीय बजारमा आयात प्रतिबन्धले स्थिति परिवर्तन गरेको छ।
‘एन्टि चाइना सेन्टिमेन्ट’को कारण धेरै व्यापारीहरूले अघिल्लो अर्डरहरू पनि रद्द गरेका थिए । डलरको बिरूद्ध भारुको अवमूल्यनका कारण कच्चा सामाग्रीको मूल्य पनि बढेको छ।
यस्तो अवस्थामा मोबाइल पछि यी सामानहरूको मूल्यवृद्धि हुँदा उपभोक्ताको गोजीमा यसले असर देखाएको छ।
मोबाइल उपकरणहरूमा भारत र चीनबाट उत्पादित सामानको आधा आधा प्रतिशत बजारमा पुग्ने गरेको बताईएको छ। यसमा पनि, भारतमा निर्मित सबै कच्चा पदार्थहरू चीनबाट आउँछन्।अधिकांश उच्च माग ब्याट्री र एलसीडीमा हुने गरेको छ र यी दुबै सामाग्री चीनबाटै भारतमा आयात हुने गरेको छ ।
चिनियाँ उत्पादनको डिजाइन र फिनिसिंग राम्रो हुने हुँदा भारतीय उपभोक्ताहरुले समेत त्यस्ता सामाग्री खरीद गर्न मन पराउँछन्। एजेन्सीका साथ
प्रकाशित: २६ असार २०७७, शुक्रबार
