काठमाडौं ।
काठमाडौं । अमेरिकी टेक कम्पनी एप्पलले आफ्नो सिलिकन भ्यालीमा रहेको हेडक्वाटरका कर्मचारीलाई घरबाट नै कामगर्न भनेको छ ।
अमेरिकाको सियाटलमा पछिल्लो दिनमा कोरोनाभाइरस संक्रमित भेटिएपछि कम्पनीले आफ्ना कर्मचारीहरुलाई वर्क फ्रम होमको लागि भनेको हो ।
सान्ता क्लारा काउन्टीमा रहेको एप्पलको कार्यालय एप्पल पार्क क्याम्पसमा १२ हजार कर्मचारीहरु कार्यरत रहेका छन् । कम्पनीले आफ्ना कर्मचारीहरुलाई शुक्रबारदेखि घरबाट नै कामगर्न भनेको हो ।
यसअघि नै सो क्षेत्रका ठूला कम्पनीहरुले घरबाट नै कर्मचारीलाई कामगर्ने सुविधा दिईसकेका छन् ।
एप्पलले कर्मचारीहरुलाई घरबाट नै कामगर्ने सुविधा दिएको भएपनि कम्पनीको सो क्षेत्रमा रहेको रिटेल स्टोरहरु भने खुला नै रहने बताईएको छ ।
अघिल्लो महिना एप्पलले चीनमा फैलिएको कोरोनाभाइरसको कारण आफ्नो लक्षित आम्दानी गुमाउन सक्ने बताएको थियो । एजेन्सी
प्रकाशित: २४ फाल्गुन २०७६, शनिबार
