काठमाडौं ।
काठमाडौं । राष्ट्रिय बाणिज्य बैंकले एफवान सफ्टसँगको सहकार्यमा आयोजना गरेको मोबाइल बैंकिङ्ग महा मेला योजनाका बिजेताहरुलाई पुरस्कार बितरण गरेको छ ।
बैंकले आइतवार एक कार्यक्रमका बिच भाग्यशाली बिजेताहरुलाई उपहार प्रदान गरेको हो । बैंकका डेपुटी सिईओ केशव प्रसाद लम्साल तथा एफवान सफ्टका सिईओ सुवाश शर्माले बिजेताहरुलाई पुरस्कार बितरण गरे ।
सो योजनाअन्तरगत एक जोडिलाई थाईल्याण्ड टूरको बम्पर पुरस्कार भक्तपुरका कैलाश सुवालले हात पारे । त्यसैगरि मोबाइल फोन जित्ने बिजेताहरुमा सनम राई, ध्रुब कुमार शाही, प्रकाश बोहरा, हिरा खनाल र सुजन पराजुली रहेको बैंकले जानकारी दिएको छ ।
पुरस्कार बितरण गर्दै बैंकका डेपुटी सिईओ लम्सालले आगामी दिनहरुमा बैंकका सेवाहरु सूचना प्रविधिमा आधारित भएर संचालन गर्ने बताए । नयाँ प्रडक्टहरुमार्फत युवाहरुलाई आकर्षित गरिने र कर्मचारीहरुलाई पनि सूचना प्रविधि प्रयोगका लागि उत्प्रेरित गरेर अगाडि बढ्ने बताए ।
बैंकले एफवान सफ्टसँगको सहकार्यमा मोबाइल बैंकिङ्ग र सूचना प्रविधिको प्रयोगलाई बढावा दिन भदौ १८ गतेदेखि असोज ३० गतेसम्म मोबाइल बैंकिङ्गमार्फत कारोबार गर्ने ग्राहकहरुलाई सो योजनामा समावेश गरेको थियो ।
सो अवधिमा ७२ हजार भन्दा बढि ग्राहकहरुले मोबाइल बैंकिङ्गको सेवा प्रयोग गरेको बताईएको छ ।
प्रकाशित: ४ कार्तिक २०७६, सोमबार
