काठमाडौं ।
अमेरिकी डिभाइस निर्माता एप्पलले गत महिनाको सुरुमा ‘आईफोन १८ प्रो’ (iPhone 18 Pro) सिरिज सार्वजनिक गर्यो, जुन सिरिजमा ‘आईफोन १८ प्रो’ र ‘आईफोन १८ प्रो म्याक्स’ समावेश छन्।
यी स्मार्टफोनहरूले चीनमा ग्राहकहरूबाट अभूतपूर्व प्रतिक्रिया पाएका छन् र गत वर्ष सार्वजनिक गरिएका ‘आईफोन १७ प्रो’ तथा ‘आईफोन १७ प्रो म्याक्स’ मोडेलहरूको बिक्रीको आँकडालाई पनि उछिनेका छन्।
एक सञ्चार माध्यमको रिपोर्ट अनुसार, चीनमा ‘आईफोन १८ प्रो’ सिरिजका लागि करिब ७० लाख (७ मिलियन) प्रि-अर्डरहरू प्राप्त भएका थिए। बिक्री सुरु भएको पहिलो हप्तामै करिब १३ लाख युनिटहरू बिक्री भए।
यो संख्या गत वर्ष सार्वजनिक गरिएका ‘आईफोन १७ प्रो’ र ‘आईफोन १७ प्रो म्याक्स’ को पहिलो हप्ताको बिक्रीको तुलनामा करिब १५ प्रतिशतले बढी हो।
एप्पल ‘फोल्डेबल’ स्मार्टफोनको क्षेत्रमा पनि प्रवेश गरेको छ; ‘आईफोन १८ प्रो’ सिरिजसँगै कम्पनीले ‘आईफोन डुओ’ (iPhone Duo) पनि सार्वजनिक गरेको छ। ‘आईफोन १८ प्रो’ मा ६.३ इन्चको ‘सुपर रेटिना एक्सडीआर ओएलईडी’ डिस्प्ले छ भने ‘आईफोन १८ प्रो म्याक्स’ मा ६.९ इन्चको ‘सुपर रेटिना एक्सडीआर ओएलईडी’ डिस्प्ले रहेको छ; दुवैमा १६०० निट्सको अधिकतम ब्राइटनेस र १२० हर्जको रिफ्रेस रेटको सुविधा छ।
यी आईफोनहरू एप्पलको नयाँ ‘ए२० प्रो’ चिपसेटद्वारा सञ्चालित छन् र ‘आईओएस २७’ (iOS 27) मा चल्छन्।
आईफोन १८ प्रो सिरिज उपलब्ध भएपनि आईफोन डुओ अझै उपलब्ध भएको छैन्।
प्रकाशित: १६ आश्विन २०८३, शुक्रबार
