फोनको स्पिकरमा जमेको धुलोले आवाजलाई मधुरो बनाउन सक्छ, यसलाई आफैँले यसरी सफा गर्नुस्

काठमाडौं ।

यात्रा गर्दा होस्, समुद्र किनारमा घुम्दा होस् वा केवल खल्ती वा झोलामा बोक्दा नै किन नहोस्, धुलो, धागोका साना टुक्रा र फोहोरका मसिनो कणहरू स्मार्टफोन भित्र पस्न सक्छन् र स्पिकरका प्वालहरूमा जम्मा हुन सक्छन्। धुलोको यस्तो थुप्रोले गर्दा आवाज सानो हुने, आवाज प्रस्ट नसुनिने वा स्पिकर नै खराब हुने जस्ता समस्याहरू आउन सक्छन्।

यदि तपाईंको फोनमा पनि यस्तो समस्या देखिएको छ भने, कुनै प्राविधिकको सहयोग बिना नै आफैंले फोहोर सफा गरेर आवाजको गुणस्तर सुधार्न सक्नुहुन्छ।

आउनुहोस्, यो कसरी गर्ने भन्नेबारे विस्तृत रूपमा जानौं।

आफ्नो स्पिकरको हेरचाह कसरी गर्ने

• फोनको स्पिकर सफा गर्न हलुका सोलभेन्टको प्रयोग गर्नुहोस्।
• पुछ्नका लागि नरम कटन स्वाब वा सामान्य टुथब्रस प्रयोग गर्नुहोस्।
• सुक्खा कणहरू हटाउन ‘बल्ब ब्लोअर’ (bulb blower) को प्रयोग गर्नुहोस्।
• यदि स्पिकरभित्र पानी पस्यो भने, त्यसलाई निकाल्न कपासजस्तो पानी सोस्ने पदार्थको प्रयोग गर्नुहोस्।
• अनलाइनमा यस्ता धेरै एपहरू उपलब्ध छन् जसले विशेष अडियो फ्रिक्वेन्सीबाट उत्पन्न हुने ध्वनि कम्पनको प्रयोग गरी धुलो र ओसिलोपन हटाउन सक्छन्।

धुलो कसरी सफा गर्ने:

• सबैभन्दा पहिले, आफ्नो फोनको तल्लो भागमा रहेको स्पिकर पत्ता लगाउनुहोस् र यसलाई सुक्खा नरम कपडा वा कटन स्वाबले पुछ्नुहोस्।
• त्यसपछि, फोहोर हटाउन कटन स्वाबलाई हल्का र नियन्त्रित दबाब दिँदै प्वालहरूमाथि बिस्तारै घुमाउनुहोस्।
• यदि प्वालहरू ठूला छन् भने, धेरै जोड नदिई स्वाबको टुप्पोलाई प्वालभित्र हल्कासँग छिराउनुहोस्।
• सावधानी अपनाउनुहोस्, किनकि अत्यधिक दबाब दिँदा स्पिकरमा क्षति पुग्न सक्छ।
• राम्रोसँग सफा गर्नका लागि, तपाईंले स्वाबको टुप्पोलाई थोरै ‘रबिङ अल्कोहल’ ले हल्का भिजाउन सक्नुहुन्छ।
• उक्त भागलाई बिस्तारै ब्रस गर्नुहोस् र जालीबाट निस्किएको फोहोरलाई कपडाले पुछेर हटाउनुहोस्।

डस्ट ब्लोअर प्रयोग गरेर धुलो कसरी सफा गर्ने:

• तपाईंले डस्ट ब्लोअर (वा बल्ब ब्लोअर) खरिद गरी उच्च गतिको हावाको झोक्का प्रयोग गरेर स्पिकरको जाली (ग्रील) बाट धुलो हटाउन सक्नुहुन्छ।
• हावाको दबाब नियन्त्रित तरिकाले प्रयोग गर्नुहोस्।
• त्यसपछि, जालीलाई ब्रसले सफा गर्नुहोस् र उक्त भागलाई नरम कपडाले सफासँग पुछ्नुहोस्।
• यसले धुलोका कणहरूलाई सुरक्षित रूपमा हटाउँछ र सुरुमा ब्रस गर्दा निस्किएका वा खुकुलो भएका रेसाहरूलाई पनि उडाएर सफा गर्छ।