काठमाडौं ।
आगामी आईफोन १८ मा १२ जीबी र्याम हुने ताइवानबाट नयाँ हल्ला आएको छ। तुलनाको लागि, आईफोन १७ मा ८ जीबी र्याम मात्र रहेको छ। थप गरिएको मेमोरी अब सबैभन्दा शक्तिशाली अन–डिभाइस मोडेलको साथ नयाँ सिरी एआई सुविधाहरूलाई शक्ति दिन प्रयोग गरिनेछ भने त्यसका लागि न्यूनतम १२ जीबी र्याम चाहिने उल्लेख गरिएको छ।
र्याम क्षमतामा गरिने यो वृद्धिले सिरीलाई थप एक्सप्रेसिभ भ्वाइसहरू प्रदान गर्नेछ (तिनीहरूलाई निजीकृत गर्न स्लाइडरहरू सहित) र सिस्टम–वाइड डिक्टेसनको लागि प्रमुख एक्युरेसी (शुद्धता) सुधारहरू पनि सक्षम पार्नेछ। तर आईफोन १७ मा केवल ८ जीबी र्याम हुने भएकाले डिभाइसले शरद ऋतुमा आईओएस २७ सँग रिलीज हुँदा यी सुविधाहरू गुमाउने जीएसएमएरिनाले रिपोर्ट गरेको छ।
आईफोन १८ ले १२ जीबी र्याम पाउनेछ भनि गत अप्रिलमा अर्को स्रोतले दाबी गरेको थियो भने यो विषयमा पहिलो हल्ला २०२५ को अक्टोबरमा देखा परेको थियो। हाल र्यामको मूल्यहरू निकै उच्च भएको अवस्थामा एप्पलले आफ्नो मन परिवर्तन गर्ने सम्भावनाको साथ आगामी आईफोन १८ मा १२ जीबी र्याम समावेश गरिने कुरा अहिले पुष्टि हुनु भनेको राम्रो खबर भएको बताइएको छ।
त्यसैगरी एप्पलले अब वृद्धि भएको र्यामको मूल्य आफैंले बेहोर्ने रोचक हल्ला चलिरहेको छ र त्यसको अर्थ भनेको आईफोन १८ वास्तवमा आफ्नो पूर्ववर्तीको (अमेरिकामा ७९९ अमेरिकी डलर) जस्तै मूल्यमा लन्च हुन सक्छ। साथै यो कदमले एप्पललाई एन्ड्रोइड फोन बनाउने आफ्ना प्रतिस्पर्धीहरू भन्दा ठूलो मूल्य लाभ हुने कुरा सुनिश्चित गर्न मद्दत गर्न सक्ने थप उल्लेख गरिएको छ।
आईफोन १८ वसन्त ऋतुमा २०२७ मा आईफोन १८ई र सम्भवतः आईफोन एयर २ सँगसँगै लन्च हुने अपेक्षा गरिएको छ भने आईफोन १८ प्रो, आईफोन १८ प्रो म्याक्स र आईफोन अल्ट्रा सबै आगामी सेप्टेम्बरमा अनावरण गरिनेछ।
प्रकाशित: ४ असार २०८३, बिहीबार
