काठमाडौं ।
एन्ड्रोइड स्मार्टफोनहरूले केही समयदेखि ठूला २०० मेगापिक्सल सेन्सरहरू प्रदान गर्दै आएको अवस्थामा एप्पलले भने अझै पनि आईफोनमा त्यस्तो प्रकारको सेन्सर प्रस्तुत गरेको छैन। नयाँ अफवाहका अनुसार एप्पलको आईफोनको उक्त अवस्थामा अब चाँडै परिवर्तन हुन सक्ने उल्लेख गरिएको छ।
वेइबोको एक पोस्टमा टिपस्टर डिजिटल च्याट स्टेशनले आपूर्ति शृङ्खला स्रोतहरूलाई उद्धृत गर्दै एप्पलले भविष्यको आईफोनको लागि ठूलो २०० मेगापिक्सल सेन्सरको परीक्षण गरिरहेको दावी गरेको छ।
टिपस्टरका अनुसार एप्पलले १/१.१२–इन्च सेन्सरको मूल्याङ्कन गरिरहेको छ। त्यसैगरी सोही प्रकारको युनिट आगामी ओप्पो फाइन्ड एक्स९ अल्ट्रामा डेब्यू हुने अपेक्षा गरिएको छ भने डिभाइसमा डुअल २०० मेगापिक्सल क्यामराहरू हुने अफवाह रहेको छ। साथै टेलिफोटो लेन्सको सट्टा प्राथमिक रियर क्यामराको लागि उक्त सेन्सरको परीक्षण गरिएको भनिएको छ।
सेन्सर अर्को वर्ष व्यावसायिक रूपमा उपलब्ध हुने अपेक्षा गरिएको टिपस्टरले थप बताए तापनि आगामी आईफोनमा २०० मेगापिक्सलको मुख्य क्यामरा उपलब्ध नहुने उल्लेख गरिएको छ।
त्यसैगरी अर्को आगामी फोन भिभो एक्स३०० अल्ट्रामा पहिले नै डुअल २०० मेगापिक्सल क्यामरा सेटअप फिचर गर्ने पुष्टि भइसकेको छ। फोनले मुख्य क्यामराको लागि २०० मेगापिक्सल सोनी लिटिया–९०१ १/१.१२–इन्च सेन्सर प्रयोग गर्नेछ भने पेरिस्कोप टेलिफोटोको लागि २०० मेगापिक्सल सामसङ एचपी० सेन्सर प्रयोग गर्ने जीएसएमएरिनाले रिपोर्ट गरेको छ।
प्रकाशित: १२ चैत्र २०८२, बिहीबार
