काठमाडौं ।
अमेजनले बालबालिकाको आकारका ह्युमनोइड रोबोट बनाउने स्टार्टअप खरिद गरेको छ
अमेजनले घरका लागि बालबालिकाको आकारका ह्युमानोइड रोबोट विकास गरिरहेको दुई वर्ष पुरानो स्टार्टअप फाउना रोबोटिक्सलाई खरिद गरेको पुष्टि गरेको छ।
यो खरिदबारे पहिलो पटक ब्लूमबर्गले रिपोर्ट गरेको थियो। सम्झौताका सर्तहरू सार्वजनिक गरिएको छैन। तर फाउना रोबोटिक्सका कर्मचारीहरू न्यूयोर्क सहरमा अमेजनसँग जोडिनेछन्।
“सबैका लागि सक्षम, सुरक्षित र रमाइलो रोबोट निर्माण गर्ने फाउनाको दृष्टिकोणप्रति हामी उत्साहित छौं,” अमेजनका एक प्रवक्ताले इमेलमार्फत दिएको वक्तव्यमा भनेका छन्। “अमेजनको रोबोटिक्स विशेषज्ञता र खुद्रा तथा डिभाइस व्यवसायमार्फत घरभित्र ग्राहकको विश्वास जित्ने दशकौंको अनुभवसँग मिलेर हामी ग्राहकहरूको जीवन अझ राम्रो र सजिलो बनाउने नयाँ तरिका विकास गर्न उत्साहित छौं।”
टेकक्रञ्चका अनुसार फाउना रोबोटिक्सले यसै वर्षको सुरुआतमा आफ्नो पहिलो उत्पादन ‘स्प्राउट’ नामक ५९ पाउन्ड तौलको दुई खुट्टामा हिँड्ने रोबोट चयनित अनुसन्धान तथा विकास साझेदारहरूलाई पठाउन सुरु गरेको थियो।
अहिलेसम्म सार्वजनिक भएकोमध्ये यो यस महिनामा अमेजनले गरेको दोस्रो रोबोटिक्स खरिद हो। अमेजनले यसअघि यही महिनाको सुरुतिर जुरिखमा आधारित स्वचालित रोबोटिक्स स्टार्टअप रिभरलाई पनि खरिद गरेको जनाएको थियो, जुन सिँढी चढ्न सक्ने डेलिभरी रोबोटका लागि परिचित छ। उक्त सम्झौताका सर्तहरू पनि सार्वजनिक गरिएको छैन।
प्रकाशित: १२ चैत्र २०८२, बिहीबार
