काठमाडौं ।
चिनियाँ कार निर्माता बीवाईडी रेसिङमा प्रवेश गर्न चाहेको छ। सिगल इलेक्ट्रिक गाडी बनाउने कम्पनीले वर्ल्ड इनड्यूरेन्स च्याम्पियनशिप र फर्मुला वान सहित धेरै सम्भावित मोटरस्पोर्ट सिरिजहरूको अन्वेषण गरिरहेको नयाँ रिपोर्टले बताएको छ।
ब्लूमबर्गसँग “यो विषयमा परिचित व्यक्तिहरूले” गरेका कुरा अनुसार बीवाईडी आफ्नै टोली सिर्जना गर्न वा अवस्थित टोली प्राप्त गर्न खुला रहेको उल्लेख गरिएको छ।
यदि यो कदम सफल भएको खण्डमा भने बीवाईडी एलिट रेसिङ सिरिजमा पहिलो चिनियाँ कार निर्माता हुनेछ।
एफ वान र डब्ल्यूईसीलाई नियन्त्रण गर्ने एफआईएका प्रमुख मोहम्मद बेन सुलायमले पहिले नै चिनियाँ टोली स्वीकार गर्न खुला रहेको बताएका छन्।
तर त्यहाँ केही अवरोधहरू रहेको बताइएको छ।
ब्लूमबर्गसँग कुरा गर्ने एक व्यक्तिले एफ वानमा प्रवेश गर्ने लागतले अटोमेकरलाई त्यसो गर्नबाट निरुत्साहित गर्न सक्छ भनि बताएको उल्लेख गरिएको छ।
स्क्र्याचबाट टोली स्थापना गर्न करोडौं डलर खर्च हुन सक्छ भने त्यहाँ अवस्थित टोलीहरू र फर्मुला वान व्यवस्थापनबाट विरोधको सम्भावना रहेको टेलीग्राफले रिपोर्ट गरेको छ।
प्रकाशित: ४ चैत्र २०८२, बुधबार
