काठमाडौं ।
गत वर्ष फोर्ड मोटर कम्पनीले अन्य निर्माताहरुको तुलनामा सबैभन्दा बढी सवारी साधन फिर्ता बोलाएको थियो।
कम्पनीले अघिल्लो रेकर्ड होल्डर जनरल मोटर्सलाई दोब्बरभन्दा बढी संख्याले उछिनेको थियो र कम्पनीको १५३ रिकलले लगभग १ करोड ३० लाख सवारी साधनलाई असर गरेको थियो।
यो वर्ष भने फोर्डले त्यति धेरै रिकल जारी गर्ने सम्भावना कम भए तापनि पहिले नै देखिरहेका कुराहरूको आधारमा प्रभावित सवारी साधनहरूको संख्या २०२५ को संख्यालाई पार गर्न सक्ने टेलीग्राफले रिपोर्ट गरेको छ।
२०२६ मा अहिलेसम्ममा ब्रान्डले ७,३९६,४२७ सवारी साधनहरू समावेश गर्ने १८ रिकल जारी गरेको छ।
कम्पनीको अहिलेसम्मको सबैभन्दा ठूलो रिकलले ब्रान्डको सबैभन्दा धेरै बिक्री हुने पिकअप एफ–सिरीज सहित ४४ लाख ट्रकहरूलाई असर गरेको छ।
विगतका केही वर्षहरूमा अटोमेकरद्वारा बजारबाट फिर्ता बोलाएको उच्च संख्याले व्यापक ध्यान आकर्षित गरेको छ।
कम्पनीले २०२२ र २०२३ मा कुनै पनि अन्य अटोमेकरले भन्दा बढी रिकल जारी गरेको थियो।
प्रकाशित: ४ चैत्र २०८२, बुधबार
