काठमाडौं ।
मोबाइल वर्ल्ड कङ्रेस (एमडब्लूसी)२०२६ औपचारिक रूपमा मार्च २ देखि सुरु भएर मार्च ५ सम्म चल्नेछ। तर कार्यक्रम सुरु हुनु अघि नै विभिन्न घोषणा सार्वजनिक हुन थालेका छन्।
हरेक वर्षझैँ यस पटक पनि नयाँ स्मार्टफोन, ल्यापटप, ट्याब्लेट, रोबोट र अन्य ग्याजेटहरू सार्वजनिक हुने अपेक्षा गरिएको छ। एआईसँग सम्बन्धित धेरै अपडेटहरू पनि आउने अनुमान छ। बार्सिलोनामा उपस्थित इन्ग्याजेटका म्याट स्मिथले कार्यक्रमभरि मुख्य घोषणाबारे अपडेट दिने जनाइएको छ।
शाओमीले यस वर्षको एमडब्लूसी को सुरुवात गर्दै आफ्नो १७ अल्ट्रा स्मार्टफोनको विश्वव्यापी लन्च घोषणा गरेको छ। यो फोन पहिलो पटक गत डिसेम्बरमा चीनमा सार्वजनिक गरिएको थियो। अमेरिकामा उपलब्ध हुने वा नहुने स्पष्ट नभए पनि अहिले युरोपमा बिक्री सुरु भएको छ।
शाओमीले फेरि लाइकासँग सहकार्य गर्दै फोटोग्राफी–केन्द्रित स्मार्टफोन ल्याएको हो। १७ अल्ट्रामा १–इन्च ५० मेगापिक्सेल क्यामेरा सेन्सर (एफ/१.६७ लेन्स), २०० पिक्सेल टेलिफोटो (१/१.४-इन्च सेन्सर) र ५० मेगापिक्सेल अल्ट्रावाइड क्यामेरा छ। क्यामेरा वरिपरि म्यानुअल जुम रिङ पनि राखिएको छ।
फोनमा ६.९ इन्चको १२० हर्ज ओएलईडी डिस्प्ले छ जसको अधिकतम ब्राइटनेस ३,५०० निट्ससम्म पुग्छ। यसमा ६,००० एमएएच सिलिकन–कार्बन ब्याट्री छ। यसको सुरुवाती मूल्य १ हजार २९९ पाउण्ड (झन्डै १,७५० डलर) राखिएको छ।
लाइकाले पनि शाओमीसँगको सहकार्यमा नयाँ फोन घोषणा गरेको छ, जुन १७ अल्ट्रा जस्तै देखिए पनि अलग मोडेल हो।
लाइकाको “लेइजफोन बाइ शाओमी” मा पनि १–इन्च क्यामेरा सेन्सर र जुम तथा अन्य सेटिङका लागि फिजिकल कन्ट्रोल रिङ छ। यसमा लाइकाले डिजाइन गरेको क्यामेरा इन्टरफेस, मोनोक्रोम मोड र विशेष फिल्टरहरू छन्। स्पेसिफिकेसनका हिसाबले यो १७ अल्ट्रा जस्तै छ स्न्यापड्रागन८ एलिट जर्न ५ चिप र ६.९ इन्च १२० हर्ज डिस्प्ले सहित। यसको मूल्य १ हजार ९९९ यूरो (झन्डै २,३६२ डलर) राखिएको छ।
यसका साथै शाओमीले शाओमी प्याड ८ र शाओमी प्याड ८ प्रो नामका दुई नयाँ ट्याब्लेट पनि सार्वजनिक गरेको छ। दुवै ५.७५ मिमि पातला, ४८५ ग्राम तौलका र ९,२००एमएएच ब्याट्रीसहित आएका छन्। प्रो मोडेलमा स्न्यापड्रागन ८ एलिट चिप छ भने साधारण प्याड ८ मा स्न्यापड्रागन ८एस जेन ४ चिपसेट प्रयोग गरिएको छ।
कम्पनीले अल्ट्राथिन म्याग्नेटिक पावर ब्याङ्क ५००० १५ वाट नामको ५,००० एमएएच पावरबैंक पनि सार्वजनिक गरेको छ। ६ मिमि मोटाइको यो पावरबैंक सुन्तला, सिल्भर र चारकोल ग्रे रङमा उपलब्ध हुनेछ। साथै शाओमी ट्याग नामको ब्लुटूथ ट्र्याकर पनि ल्याइएको छ जसले एप्पल फाइण्ड माई र गुगल फाइण्ड हबसँग काम गर्ने कम्पनीले जनाएको छ।
अनरले एमडब्लूसी अघि नै आफूले विश्वकै सबैभन्दा पातलो एन्ड्रोइड ट्याब्लेट दाबी गरेको म्याजिकप्याड ४ घोषणा गरेको छ। ४.८ मिमि मोटाइको यो ट्याब्लेटमा १२.३ इन्च १६५ हर्ज ओइलईडी डिस्प्ले र ४५० ग्राम तौल छ। यसमा अधिकतम १६ जीबी र्याम र ५१२ जीबी स्टोरेज विकल्प छ र स्न्यापड्रागन ८ जेन ५ चिपसेट प्रयोग गरिएको छ।
म्याजिकप्याड ४ मा १३ मेगापिक्सेल रियर र ९ मेगापिक्सेल फ्रन्ट क्यामेरा छन्। यसमा आठ स्पिकरसहित स्पेसियल अडियो सपोर्ट छ। १०,१०० एमएएच ब्याट्री र ६६ वाट फास्ट चार्जर उपलब्ध हुनेछ। यो अनरको म्याजिकओएस१० मा चल्नेछ। यसको मूल्य भने अझै सार्वजनिक गरिएको छैन।
टेक्नोले पनि एमडब्लूसीमा नयाँ अवधारणात्मक (कन्सेप्ट) स्मार्टफोन सार्वजनिक गरेको छ। यो मोड्युलर डिजाइनमा आधारित छ र आधार संरचनामा ४.९ मिमि पातलो हुन सक्छ। कम्पनीका अनुसार १० प्रकारका मोड्युल — विभिन्न क्यामेरा लेन्स, गेमिङ अट्याचमेन्ट र पावरबैंक — छनोट गर्न सकिन्छ। यी मोड्युलहरू चुम्बकीय प्रविधिबाट जडान गरिनेछन्, जसलाई कम्पनीले मोड्युलर म्याग्नेटिक इन्टरकनेक्शन टेक्नोलोजी नाम दिएको छ।
प्रकाशित: १७ फाल्गुन २०८२, आईतवार
