काठमाडौं ।
अटोमोटिभ न्यूज युरोपद्वारा प्रकाशित डाटाफोर्स तथ्याङ्क अनुसार जर्मन ब्रान्ड फक्सवागनले २०२५ मा युरोपमा विद्युतीय कार बिक्रीमा टेस्लालाई उछिनेर सबैभन्दा धेरै बिक्री हुने विद्युतीय सवारी निर्माताको रूपमा पहिलो स्थान हासिल गरेको छ।
फक्सवागनले २०२५ मा युरोपमा २७४,४१७ विद्युतीय सवारी साधन बिक्री गरेको र २०२४ को तुलनामा ५६ प्रतिशतले वृद्धि हासिल गरेको छ। टेस्लाले भने बिक्रीमा २७ प्रतिशतको गिरावट रेकर्ड गरेको र २३८,७६५ विद्युतीय सवारी साधन बिक्री गरेको छ।
यद्यपि टेस्ला मोडेल वाई १५१,३३१ युनिट बिक्री भएको र महाद्वीपमा सबैभन्दा धेरै बिक्री हुने विद्युतीय कार रहेको पनि उक्त संख्या गत वर्षको तुलनामा २८ प्रतिशत कम भएको टेलिग्राफले रिपोर्ट गरेको छ।
फक्सवागन र टेस्ला पछि, बीएमडब्ल्यू, स्कोडा र आउडी जस्ता ब्रान्डहरू पनि २०२५ मा उल्लेखनीय बिक्री वृद्धिको साथ टेबलमा अन्य स्थानहरूमा रहेका छन्।
यो परिवर्तनले युरोपेली विद्युतीय सवारी बजारमा नयाँ प्रवृत्तिलाई संकेत गरेका बताइएको छ भने अब युरोपका परम्परागत निर्माताहरूले आफ्नो ईभी प्रस्तावहरू बढाएको र अमेरिकी प्रविधि ब्रान्डहरूको प्रभुत्वलाई चुनौती दिइरहेको रिपोर्ट गरिएको छ।
प्रकाशित: ११ माघ २०८२, आईतवार
