काठमाडौं ।
आईफोन १७ सिरिज हालै बजारमा आएको भए पनि एप्पलको २०२६ फ्ल्यागशिपहरू वरिपरि प्रारम्भिक लीकहरू पहिलेदेखि नै सतहमा आउन थालेका छन्।
हालैको लीकले आईफोन १८ प्रो मोडेलहरूको लागि अनकन्भेस्नल होल–पञ्च क्यामरा प्लेसमेन्टमा संकेत गरेको छ। यद्यपि पछिल्लो लीकले नाटकीय पुनः डिजाइनको आशा गरिरहेका प्रशंसकहरूले भने आफ्नो अपेक्षालाई कम गर्न सक्छन् भन्ने सुझाव दिएको छ।
चिनियाँ लीकर फिक्स्ड फोकस डिजिटलका अनुसार आईफोन १८ प्रो र प्रो म्याक्समा कुनै पनि प्रमुख बाहिरी परिवर्तनहरू देखिने सम्भावना नभएको उल्लेख गरिएको छ।
विशेष गरी पछाडिको डिजाइन धेरै हदसम्म अपरिवर्तित रहने र एप्पलले परिचित क्यामरा लेआउटका साथ समग्र लुक्स कायम राख्ने फिक्स्ड फोकस डिजिटललाई उद्धृत गर्दै गीज्मोचाइनाले रिपोर्ट गरेको छ।
अण्डर–डिस्प्ले प्रविधिको परिचय र डायनामिक आइल्याण्ड हटाउने बारेमा फैलिएको हल्लाको सन्दर्भमा पछिल्लो रिपोर्टले समयरेखामा शंका उत्पन्न गरेको छ। वास्तविक रूपमा, एप्पलले २०२७ मा हुने आफ्नो २० औं वार्षिकोत्सव आईफोनको लागि “अग्रगामी” कुरा सुरक्षित गर्ने सम्भावना रहेको छ।
तसर्थ, यदि २०२६ को आईफोनहरू नयाँ पुनः डिजाइन गरिएको आईफोन १७ लाइनअप भन्दा सानो रिफ्रेसको रूपमा देखा परेको खण्डमा भने यो धेरै अचम्मको कुरा नहुने उल्लेख गरिएको छ।
एप्पलले कम्तिमा अर्को पुस्ताको लागि हालको पिल आकारको कटआउट डिजाइन प्रयोग गर्न जारी राख्ने सम्भावना रहेको छ भने केही समयदेखि काम गरिरहेको यूडीसी प्रविधिले केही अन्तिम रिफाइनमेण्ट प्राप्त गरेको बताइएको छ।
यो अझै पनि उत्पादन चक्रको धेरै प्रारम्भिक चरणमा भएको हुनाले २०२६ आईफोनहरू वृहत उत्पादनमा प्रवेश गर्नु अघि अझै धेरै समय बाँकी रहेको छ। साथै बृहत उत्पादनको चरणमा आपूर्ति श्रृंखला विवरणहरू सामान्यतया स्पष्ट हुने गर्दछन्। तसर्थ त्यतिन्जेल योजनाहरू अझै परिवर्तन हुन सक्ने सम्भावनको उल्लेख गरिएको छ।
अहिलेको लागि लीकले भिजुअल ओभरहालको सट्टा एप्पलले हालका वर्षहरूमा बारम्बार झुकाव राखेको अर्को विकासवादी अपडेटलाई औंल्याएको गीज्मोचाइनाले रिपोर्ट गरेको छ।
प्रकाशित: ९ पुष २०८२, बुधबार
