Technology Khabar १३ मंसिर २०८२, शनिबार
काठमाडौं ।
स्टिभ जब्स, स्टिभ वोज्नियाक र रोन वेनद्वारा हस्ताक्षर गरिएको एप्पलको तीन पेजको स्थापनाकालको सम्झौता पत्र लिलामी हुने तयारीमा रहेको र लाखौं डलर प्राप्त हुने अपेक्षा गरिएको छ।
१९७६ मा मूल रूपमा एप्पल कम्प्युटर कम्पनी भनेर चिनिने कम्पनीको स्थापनालाई औपचारिकता दिने लिखित सम्झौता लिलामीमा राखिने भएको छ र लिलामीबाट मिलियन डलर प्राप्त हुने अपेक्षा गरिएको छ।
एप्पल इन्साइडरको रिपोर्ट अनुसार बेलायतको लिलाम संस्था क्रिस्टीजले २०२६ को सुरुमा तीन पृष्ठको कागजात लिलामीको लागि राख्ने भएको छ।
उक्त कागजातमा स्टिभ जब्स, स्टिभ वोज्नियाक र रोन वेनको हस्ताक्षरहरू रहेका छन्। साथै कम्पनीमा उनीहरूको शेयरहरू पनि रहेको र पछि गएर कम्पनी विश्वको सबैभन्दा ठूलो मध्ये एक बन्न सफल भएको उल्लेख गरिएको छ।
ऐतिहासिक महत्वको कुरा भए पनि मानिसहरूले बोली लगाउने सम्झौता अन्ततः अल्पकालीन भएको उल्लेख गरिएको छ।
एक वर्ष भन्दा कम समय पछि एप्पल कम्प्युटर कम्पनीबाट एप्पल कम्प्युटर इंक बन्दा वेनले आफ्नो १० प्रतिशत शेयर अन्य सह–संस्थापकहरूलाई बेचेका थिए।
वास्तवमा, उनले कम्पनी स्थापना भएको दुई हप्ता भन्दा कम समयमा कम्पनी छोडेको र २०१६ मा बीबीसीसँगको एक अन्तर्वार्तामा उनले यो निर्णयमा पछुतो नभएकोमा जोड दिएका थिए। यद्यपि, माथि उल्लेख गरिएको एप्पलको हिस्सेदारी त्यतिबेला लगभग ६० अर्ब अमेरिकी डलरको भएको र अहिलेको समयमा सायद धेरै बढी हुने उल्लेख गरिएको छ।
केही महिना पछि एप्पलमा आफ्नो बाँकी सबै व्यावसायिक स्वार्थ त्याग्न उनलाई केवल १,५०० अमेरिकी डलर तिरिएको थियो।
त्यसैगरी, वेनले त्यो मूल सम्झौताको आफ्नो प्रतिलिपि ५०० अमेरिकी डलरमा बिक्रि गरेको बताइएको छ।
एप्पल इनसाइडरका अनुसार, चाँडै लिलामी हुने सम्झौताको मूल्य दुई देखि चार मिलियन डलरको बीचमा भएको र जनवरी २३ मा न्यूयोर्कमा हुने वि द पिपुलः अमेरिका एट २५० लिलामीमा प्रस्तुत गरिनेछ।
एप्पलको इतिहासको महत्त्वपूर्ण भाग बेचिएको यो पहिलो पटक भने नभएको उल्लेख गरिएको छ।
दुई वर्ष अघि, पहिलो पुस्ताको आईफोन लिलामीमा उक्त डिभाइस १९०,००० अमेरिकी डलरमा बिक्रि गरिएको थियो र डिभाइसको मूल मूल्यको लगभग ३०० गुणा हो भनि टेलिग्राफले रिपोर्ट गरेको छ।
प्रकाशित: १३ मंसिर २०८२, शनिबार
