एक्सपेङले आफ्नो रोबोट मानव नभएको भनेर प्रमाणित गर्न स्टेजमा रोबोटको खुट्टा काटेर देखायो

काठमाडौं ।

एक्सपेङले ह्युमनोइड रोबोटहरूको विश्वव्यापी दौडमा सामेल हुने भएको छ। एक्सपेङले २०२६ को उत्तरार्धमा आफ्नो आइरन मोडेलको उत्पादन सुरु गर्ने योजना बनाएको र विश्वव्यापी रूपमा लाखौं युनिटहरू बिक्री गर्ने लक्ष्य राखेको बताइएको छ।

भिजन–ल्याङ्गवेज–एक्शन २.० आन्तरिक मोडेलमा आधारित यो रोबोटलाई चीनमा एक कार्यक्रममा अनावरण गरिएको छ। कार्यक्रममा कम्पनीले रोबोट वास्तवमा मानव नभएको भनेर देखाउनको लागि स्टेजमा रोबोटको खुट्टा काटेर देखाएको उल्लेख गरिएको छ।

“रोबोटिक डग” बाट सुरु भएको आइरन एक्सपेङको रोबोटिक्स परियोजनाको सातौं पुस्ताको रोबोट भएको र अब टेस्ला बोटलाई प्रतिद्वन्द्वी बनाउने ह्युमनोइडमा विकसित भएको उल्लेख गरिएको छ।

रोबोटहरू निर्माण गर्दा कारहरू निर्माण गर्ने लागत जस्तै हुने र तिनीहरूको बजार अझ ठूलो हुनेछ भनेर सीईओ हि शाओपेङले विश्वास व्यक्त गरेका छन्।

आइरन रोबोटहरू अर्को वर्षको अन्त्यदेखि एक्सपेङको स्टोर, कारखाना र कार्यालय पार्कहरूमा देखा पर्ने अपेक्षा गरिएको छ।

जेपी मोर्गनका अनुसार, २०२६–२७ मा कम्पनीको सफलता रोबोट, रोबो–ट्याक्सी र उड्ने कारहरूको एकीकरणमा निर्भर गर्ने बताइएको छ र २०२७ सम्ममा ह्युमनोइड्सको मूल्य २४ अर्ब डलरसम्म पुग्ने सम्भावना रहेको टेलीग्राफले रिपोर्ट गरेको छ।