मस्कको स्टारलिङ्क स्याटेलाइट खतरनाक दरमा पृथ्वीमा खसिरहेको खुलासा

काठमाडौं ।

विशाल स्टारलिङ्क कन्स्टलेसनबाट हरेक दिन चारवटा स्याटेलाइट पृथ्वीमा खस्छन् भन्ने तथ्य नयाँ तथ्याङ्कले देखाएको छ।

अमेरिकाको हार्वर्ड–स्मिथसोनियन सेन्टर फर एस्ट्रोफिजिक्सका खगोलविद् जोनाथन म्याकडोवेलले सन् २०२५ सम्ममा हरेक दिन औसतमा एक देखि दुई स्टारलिङ्क स्याटेलाइटहरू कक्षाबाट बाहिर निस्कने रेकर्ड गरेको रिपोर्ट गरिएको छ।

स्पेसएक्सले आफ्नो इन्टरनेट कन्स्टलेसनलाई अन्तरिक्षमा विस्तार गर्दै जाँदा यो संख्या प्रति दिन लगभग पाँच स्याटेलाइटहरूमा बढ्ने उनको अपेक्षा छ।

पछिल्ला हप्ताहरूमा स्टारलिङ्क स्याटेलाइटहरू पृथ्वीमा खसेको फुटेज सामाजिक सञ्जालमा देखा परेको छ जसले गर्दा जमिनमा रहेका मानिसहरूलाई जोखिम हुन सक्ने चिन्ता बढेको छ।

लगभग पाँच वर्षको जीवन भएका स्टारलिङ्क स्याटेलाइटहरू जानाजानी जमिनमा पुग्नु अघि पृथ्वीको वायुमण्डलमा पूर्ण रूपमा जल्ने गरी डिजाइन गरिएको बताइएको छ।

स्टारलिङ्क स्याटेलाइटको कक्षाबाट बाहिर निस्कने (डिअर्बिटिङ) कार्यले मानिसलाई जोखिम नदिने सम्भावना भएपनि डा. म्याकडोवेलले यो अझै पनि समस्याग्रस्त हुन सक्छ भनि बताएका छन्।

त्यसैगरी वैज्ञानिकहरूले अझै पनि पृथ्वीको वायुमण्डलमा यसले कस्तो प्रभाव पार्न सक्छ भनेर बुझ्ने प्रयास गरिरहेका छन्।

कम्बस्चन (दहन) को समयमा सिर्जना हुने प्रदूषकहरू, जस्तै एल्युमिनियम अक्साइड कणहरूले वायुमण्डलीय तापक्रम बढाउन योगदान पुर्याउन सक्छन् टेलीग्राफले रिपोर्ट गरेको छ।