Technology Khabar १२ आश्विन २०८२, आईतवार
काठमाडौं ।
सोमबारदेखि शुरु हुने दशैं बिदा तथा कात्तिकमा हुने तिहार बिदाको अवधिमा समेत नेपाल टेलिकमका काउन्टरहरु खुला रहने भएका छन्।
नेपाल टेलिकमकाअनुसार सुन्धारास्थित काउन्टर असोज १३, १४, १५, १७ र १८ गते खुला रहने छ। अर्थात सो काउन्टर टिकाको दिन मात्र बन्द हुनेछ।
टेलिकमकाअनुसार गोंगबु, पाटन, थिमि, बनेपा, धादिङ, हेटौंडा, भरतपुर, टाँडी, सिन्धुली, त्रिशूली र मन्थलीस्थित काउन्टरहरु असोज १३, १५ र १७ गते खुला रहने छन्।
यसैगरी, चरिकोटस्थित काउन्टर असोज १३ र १४ गते दिन खुला रहने छ।
नेपाल टेलिकमले उल्लेख गरेअनुसार, तिहारको बिदाको अवसरमा कात्तिक ४, ५ र ७ गते गोंगबु, पाटन, थिमि, बनेपा, धादिङ, हेटौंडा, भरतपुर, टाँडी, सिन्धुली, त्रिशूली, मन्थली तथा चरिकोटस्थित काउन्टरहरु खुला रहनेछन्।
मर्मत सम्भार र जडान सम्बन्धि काम पनि दशैं र तिहार बिदाको समयमा समेत नियमित हुने टेलिकमले सूचनामार्फत जानकारी दिएको छ।
यी सबै काउन्टरहरु उक्त दिनमा बिहान ११ बजेदेखि बेलुकी ४ बजेसम्म खुला हुनेछन्।
दशैंको समयमा खुल्ने काउन्टरहरुबाट टेलिफोन, मोबाइल तथा इन्टरनेटको महशुल भुक्तानी, सिम वितरण तथा परिवर्तनका कामहरु हुने कम्पनीले जनाएको छ।
प्रकाशित: १२ आश्विन २०८२, आईतवार
