काठमाडौं ।
ह्वाट्सएपले यस वर्षको पहिलो ६ महिनामा विश्वभरका मानिसहरूलाई लक्षित स्क्यामरहरूसँग सम्बन्धित ६८ लाख खाताहरू बन्द गरेको यसको मूल कम्पनी मेटाले जानकारी दिएको छ।
सामाजिक सञ्जाल दिग्गजका अनुसार, बन्द गरिएको ती खाताहरू मध्ये धेरै दक्षिणपूर्वी एसियामा संगठित अपराधीहरूद्वारा सञ्चालित ठगी केन्द्रहरूसँग जोडिएको र तिनीहरुले प्रायः आफ्नो सञ्चालनमा जबरजस्ती श्रम प्रयोग गर्ने गरेको तथ्य बाहिरिएको उल्लेख गरिएको छ।
ह्वाट्सएपले प्रयोगकर्ताहरूलाई सम्भावित ठगी गतिविधिहरू जस्तै उनीहरूको सम्पर्क सूचीमा नभएको व्यक्तिद्वारा समूह च्याटमा प्रयोगकर्ता थप गर्ने बारे सचेत गराउन नयाँ ठगी विरोधी उपायहरू ल्याएको बेला मेटाले यो घोषणा गरेको टेलिग्राफले रिपोर्ट गरेको छ।
क्र्याकडाउनले बढ्दो रूपमा सामान्य रणनीतिलाई लक्षित गर्दछ जसमा अपराधीहरूले व्हाट्सएप खाताहरू अपहरण गर्ने वा नक्कली लगानी योजनाहरू र अन्य घोटालाहरूलाई प्रवद्र्धन गर्ने समूह च्याटहरूमा प्रयोगकर्ताहरूलाई थप्ने गर्दछन्।
ह्वाट्सएपले “ठगी केन्द्रहरूले तिनीहरूलाई सञ्चालनमा ल्याउन सक्षम हुनुभन्दा पहिले खाताहरू सक्रिय रूपमा पत्ता लगाएर बन्द गरेको” मेटाले बताएको छ।
एउटा घटनामा, व्हाट्सएपले मेटा र च्याटजीपीटी विकासकर्ता ओपनएआईसँग मिलेर कम्बोडियाली आपराधिक समूहसँग सम्बन्धित घोटालाहरूलाई “ब्रेक गर्न” (तोड्न) काम गरेको बताइएको छ। यस स्क्यामले नक्कली स्कूटर रेण्टल पिरामिड योजनालाई प्रवद्र्धन गर्न सामाजिक सञ्जाल पोस्टहरूमा लाइकको लागि पैसा प्रस्ताव गरेको उल्लेख गरिएको छ।
स्क्यामरहरूले सम्भावित पीडितहरूलाई जारी गरिएका निर्देशनहरू सिर्जना गर्न च्याटजीपीटी प्रयोग गरेका थप उल्लेख गरिएको छ।
सामान्यतया, स्क्यामरहरूले कुराकानीलाई सामाजिक सञ्जाल वा निजी म्योसेजिङ एपहरूमा जानु अघि सम्भावित लक्ष्यहरूलाई टेक्स्ट म्यासेज (सन्देश) को साथ सम्पर्क गर्ने मेटाले बताएको छ।
यी स्क्याम (घोटाला) हरू सामान्यतया भुक्तानी वा क्रिप्टोकरेन्सी प्लेटफर्महरूमा गरिने मेटाले जानकारी दिएको छ।
प्रकाशित: २४ श्रावण २०८२, शनिबार
