रेजिडेन्ट इभल ९ भिडियो गेम आउँदै, मूल्य कति पर्ला?

काठमाडौं ।

चाँडै बिक्रीमा आउने घोषणा गरिएको नयाँ रेजिडेन्ट इभल भिडियो गेमको रिलीज हुने मिति सार्वजनिक भएको छ।

टेलिग्राफका अनुसार रेजिडेन्ट इभल ९ः रेक्विम एक हरर (डरलाग्दो) भिडियो गेम हुनेछ र सन् २०२६ को फेब्रुअरी २७ तारिखमा पर्सनल कम्प्युटर, प्लेस्टेशन ५ र एक्सबक्स सिरिज एक्स र एसको लागि रिलीज गरिनेछ।

भिडियो गेमको मुख्य पात्र एफबीआई विश्लेषक ग्रेस एशक्रफ्टले रहस्यमय मृत्युको श्रृंखलाको अनुसन्धान गर्नेछिन् र उनी आफ्नो आमाको हत्या भएको ठाउँमा फर्कनु पनेर्छ।

त्यसैगरी भिडियो गेममा आधिकारिक घोषणाले र्याकुन सिटी नष्ट भएको पुष्टि गर्छ, जसमा प्रहरी चौकी भवन पनि पर्छ। त्यसपछि कथाहरू कसरी जोडिँदै जानेछन् र नयाँ भिडियो गेममा कुनै परिचित पात्रहरू देखा पर्नेछन् कि पर्दैन भनेर थाहा हुँदै जानेछ।

यस भिडियो गेमको मूल्यको बारेमा भने अझै पुष्टि गरिएको छैन। यो श्रृंखलाका धेरैजसो नयाँ खेलहरू जस्तै लगभग ४० यूरो हुने अपेक्षा गरिएको छ।

रेजिडेन्ट इभल जापानी प्रकाशक क्यापकमको हरर (डरलाग्दो) भिडियो गेमहरूको एक कल्ट सिरिज हो जुन पहिलो पटक सन्१९९६ मा देखा परेको थियो र सम्पूर्ण विधालाई आकार दिन मद्दत गरेको थियो।

खेलाडीहरू तनावपूर्ण, प्रायः क्लस्ट्रोफोबिक वातावरणमा बाँच्छन् भने जोम्बीहरू र भ्रष्ट अम्ब्रेला कर्पोरेशनसँग सम्बन्धित विभिन्न जैविक खतराहरू विरुद्ध लड्नेछन्।

यो श्रृंखलाले हरर (डरलाग्दो), एक्सन र पजलहरू संयोजन गर्दछ भने यो आफ्नो वातावरण, लियोन एस. केनेडी, क्रिस रेडफिल्ड र जिल भ्यालेन्टाइन जस्ता पात्रहरूका साथै नेमेसिस र अल्बर्ट वेस्कर जस्ता अविस्मरणीय शत्रुहरूको लागि परिचित रहेको टेलीग्राफले रिपोर्ट गरेको छ।