Apple

१८ वर्षीया युवतीलाई १७ हजार पाउन्डको आईफोन चोरीको आरोपमा मुद्दा दायर

Technology Khabar ७ श्रावण २०८२, बुधबार

काठमाडौं ।

रेनफ्रुको एप्पल स्टोरबाट १७,००० भन्दा बढी मूल्यका आईफोन चोरी भएपछि एक १८ वर्षीया युवतीलाई पक्राउ गरी मुद्दा दायर गरिएको छ।

स्कटल्याण्ड प्रहरीले जुन १ तारिख र जुलाई ९ तारिखमा ब्रेहेड शपिङ सेन्टरबाट डिभाइसहरू चोरी भएको बताएको छ। युवतीलाई अक्टोबर २ तारिखमा पेस्ली शेरिफ अदालतमा उपस्थित हुने कार्यक्रम तय गरिएको छ।

त्यसैगरी जुन १ तारिखको घटनामा १९ वर्षीय युवक र जुलाई ९ तारिको घटनामा अर्का एक ४२ वर्षीया महिलालाई पनि पक्राउ गरिएको छ।

स्कटल्याण्ड प्रहरीले सोधपुछ जारी रहेको बताएको बीबीसीले रिपोर्ट गरेको छ।