सोनीको सहयोगले गर्दा पीएस५ प्रोमा जीटीए ६ अब ६०एफपीएसमा आउने

काठमाडौं ।

ग्राण्ड थेफ्ट अटो ६ को लागि निकै प्रतीक्षामा रहेका व्यक्तिहरू कन्सोलहरूमा खेल ३०एफपीएस मा लक हुने कुरा खुलासा भएपछि निराश भएका छन्।

सोनीले भने यो चुनौतीको सामना गर्दे आफ्नो प्रमुख प्लेस्टेशन ५ प्रोको अनुभवलाई सहज बनाउन रकस्टारमा केही सुदृढीकरणहरू ल्याइरहेको छ।

पीएस५ प्रोमा जीटीए ६ लाई ६०एफपीएसमा चलाउनका लागि सोनी–रकस्टारको सहकार्यः

सोनीले मार्केटिङ सम्झौताको लागि रकस्टारसँग काम गरिरहेको  प्लेस्टेशनका एक इन्जिनियरले खुलासा गरेको टिपस्टर डिटेक्टिभ सीड्सले एक्समा उल्लेख गरेका छन्।

गीज्मोचाइनाका अनुसार यो सोनीको पीएस५ प्रोमा जीटीए ६ अब ६०एफपीएसमा चल्नेसँग सम्बन्धित रहेको छ। साथै खेलमा धेरै ग्राफिकल सेटिङहरू (सम्भावित रुपमा प्रिसेटहरू) हुने स्रोतले दावी गरे पनि कुनै विशेष पर्फमेन्स मोड हुने छैन। त्यसको सट्टा बरु खेल प्रत्येक सेटिङमा ६०एफपीएसमा चल्नेछ।

यो सफलता प्राप्त गर्नको लागि सोनीसँग रकस्टारका लागि काम गर्ने इन्जिनियरहरू रहेको बताइएको छ। साथै सोनीले आफ्नो कन्सोलको लागि अपडेटको तयारी पनि गरिरहेको बताइएको छ जुन सन् २०२६ को मे महिनामा लाइभ हुन सक्ने सम्भावना रहेको छ। जीटीए ६ ले पनि सोही महिना डेब्यू गर्ने तालिका रहेको छ। त्यसैगरी जीटीए ६ बेस (आधार) पीएस५ मा नभएर केवल पीएस५ प्रोमा चल्ने सम्भावनको उल्लेख गरिएको छ। यद्यपि दुई बीचको प्रदर्शनमा भने कुनै अभूतपूर्व भिन्नता नभएको उल्लेख गरिएको छ। यस बाहेक सहकार्यमा विशेष प्लेस्टेशन बण्डलहरू र अन्य खेलहरू पनि समावेश हुनेछन् जुन भविष्यमा प्लेटफर्ममा ड्रप हुने रिपोर्ट गरिएको छ।

ग्राण्ड थेफ्ट अटो ६ को लोकप्रिय दोस्रो ट्रेलर भने बेस (आधार) पीएस५ मा कैद गरिएको र खेल ३०एफपीएसमा चलाइएको थियो। अघिल्ला रकस्टार शीर्षकहरू पनि ३०एफपीएसमा नै रिलिज गरिएका थिए। तर पीएस५ प्रो ले जीटीए भीलाई ६०एफपीएसमा १४४०पी मा चलाउन सक्ने उल्लेख गरिएको छ जुन अहिलेको लागि केवल अनुमान मात्र भएको र यस जानकारीलाई हल्कासँग लिनका लागि गीज्मोचाइनाले आग्रह गरेको छ।