सन् २०२५ को पूर्वार्द्धमा भारतीय स्मार्टफोन बजारमा भिभोको नेतृत्व

काठमाडौं ।

क्यानालिसका विश्लेषकहरूले भिभोले ८१ लाख ढुवानी र २१ प्रतिशत हिस्साका साथ भारतीय स्मार्टफोन बजारको नेतृत्व गरेको नयाँ तथ्याङ्क जारी गरेका छन्।

कम्पनीको ढुवानी सन् २०२४ को दोस्रो त्रैमासिकको तुलनामा ३१ प्रतिशतले बढेको छ। त्यसपछि ६२ लाख ढुवानी र १६ प्रतिशत बजार हिस्साका साथ सामसङ दोस्रो स्थानमा रहेको छ भने यसको २ प्रतिशतले वर्षिक रुपमा वृद्धि भएको बताइएको छ। त्यसैगरी ५० लाख ढुवानी, १३ प्रतिशत बजार हिस्सा र २४ प्रतिशत वृद्धिसहित ओप्पो तेस्रो स्थानमा रहेको छ।

जीएसएमएरिनाका अनुसार शाओमीले यस वर्षको दोस्रो त्रैमासिकमा १३ प्रतिशत बजार हिस्सासहित ५० लाख एकाइ ढुवानी व्यवस्थापन गरेको छ र यो वार्षिक हिस्सा २५ प्रतिशतले घटेको छ।

पाँचौं स्थानमा रहेको रियलमीले ९ प्रतिशत बजार हिस्साका लागि ३६ लाख एकाइ ढुवानी गरेको छ जुन एक वर्ष अघिको त्रैमासिकको तुलनामा १७ प्रतिशतले कम हो।

समग्रमा रुपमा बजार ७ प्रतिशतले बढेर ३ करोड ९० लाख एकाइहरु ढुवानी भएको बताइएको छ जुन सन् २०२४ को दोस्रो त्रैमासिकमा ३ करोड ६४ लाख रहेको थियो। गत वर्षको तेस्रो त्रैमासिकदेखि भारतीय स्मार्टफोन बजारमा दोस्रो त्रैमासिकमा आएर यति बढी ढुवानी भएको पाइएको छ।

भिभोको भी५० सिरिजले ठूला ढाँचाका रिटेल र विवाह लक्षित अभियानहरू मार्फत देशका प्रमुख महानगरीय क्षेत्रहरू (टियर १ र टियर २ शहरहरू) मा आकर्षण प्राप्त गरेको बताउँदै क्यानालिसका प्रमुख विश्लेषक संयम चौरसियाले वाई–सिरिजले गहिरो वितरण र प्रवद्र्धन मार्फत साना शहरहरू र अर्ध–शहरी बजारहरूमा गति कायम राखेको र त्यसैगरी टी–सिरिजले पनि विस्तारित पोर्टफोलियोको साथ अनलाइनमा स्थिर रूपमा उकालो लाग्न सफल भएको थप उल्लेख गरेका छन्।

ओप्पोको बलियो त्रैमासिकको लागि “ए५ सिरिजबाट बलियो अफलाइन गति र के१३ मार्फत बढ्दो अनलाइन ट्र्याक्सनले योगदान” पुर्याएको थप उल्लेख गरिएको छ।

एप्पलले भने छैटौं स्थानमा रहेको र आईफोन १६ परिवारले कम्पनीको ढुवानीको ५५ प्रतिशत भन्दा बढीको लागि जिम्मेवार भूमिका निर्वाह गरेको बताइएको छ।

यद्यपि आईफोन १६ई ले भने सार्वजनिक भएपछि गति गुमाएको र “उपभोक्ताहरूले डिभाइसको सिङ्गल–क्यामरा डिजाइनको मूल्य र धेरै हदसम्म अवास्तविक एप्पल इन्टेलिजेन्स सुविधाहरूको मूल्यमाथि प्रश्न उठाएको” उल्लेख गरिएको छ।

क्यानालिसले “संरचनात्मक माग चुनौतीहरू जारी रहँदा” पूरा वर्षको लागि ढुवानीमा सानो गिरावटको प्रक्षेपण गरेको जीएसएमएरिनाले रिपोर्ट गरेको छ।