अस्ट्रियाको डाटा गोपनीयता पक्षधर समूहद्वारा अलीएक्सप्रेस, टिकटक र विच्याटविरुद्ध उजुरी

काठमाडौं ।

अस्ट्रियाको डाटा गोपनीयता पक्षधर समूह नोयबले बिहीबार चिनियाँ कम्पनीहरू अलीएक्सप्रेस, टिकटक र विच्याटविरुद्ध डाटा गोपनीयता उल्लंघनको उजुरी दायर गरेको छ।

समूहले ती कम्पनीहरूले युरोपेली संघ (ईयू) को कानुनअनुसार प्रयोगकर्तालाई उनीहरूको व्यक्तिगत डाटाको पूर्ण प्रतिलिपि उपलब्ध गराउन नसकेको आरोप लगाएको छ।

नोयबका अनुसार अधिकांश प्रविधि कम्पनीहरूसँग प्रयोगकर्ताले आफ्नो डाटा डाउनलोड गर्न सक्ने सुविधा भए पनि केही चिनियाँ कम्पनीहरूले उक्त सूचना पहुँच गर्न कठिन बनाएका छन्।

“टिकटक, अलीएक्सप्रेस र विच्याटले तपाईंको बारेमा धेरैभन्दा धेरै डाटा संकलन गर्न मन पराउँछन् — तर ईयू कानुनअनुसार अनिवार्य रूपमा उपलब्ध गराउनुपर्ने उक्त डाटामा तपाईंलाई पूर्ण पहुँच दिन कडा अस्वीकार गर्छन्,” नोयबकी डाटा संरक्षण अधिवक्ता क्लेन्थी सार्देलीले भनिन्।

नोयब अमेरिकी कम्पनीहरू एप्पल, अल्फाबेट र मेटाविरुद्ध उजुरी दायर गर्दै अनुसन्धान र अर्बौं डलर जरिवाना गराउने कामका लागि पनि परिचित छ।

सन् २०२४ को जनवरीमा नोयबले ६ वटा चिनियाँ कम्पनीविरुद्ध उजुरी दायर गर्दै चीनतर्फ हुने डाटा स्थानान्तरण रोक्न माग गरेको थियो र तिनीहरूलाई कम्पनीको विश्वव्यापी राजस्वको ४ प्रतिशतसम्म जरिवाना गर्न आह्वान गरेको थियो।