ग्यालेक्सी अनप्याक्ड इभेन्ट आज हुँदै: कसरी हेर्ने, के के अपेक्षा गर्ने?

काठमाडौं ।

ब्रुकलिन, न्यूयोर्कमा हुने आगामी ग्यालेक्सी अनप्याक्ड कार्यक्रममा सबै तयारी पूरा भइसकेको छ। कार्यक्रम आज यूटीसी तथा जीएमटी समयअनुसार १४:०० बजे सुरु हुनेछ। नेपाली समय अनुसार यो बेलुका १९:४५ अर्थात् पौने ८ बजे शुरु हुनेछ।

यो कार्यक्रम सामसङ डटकम तथा यूट्युबमा प्रत्यक्ष प्रसारण हुनेछ जहाँ सहभागी हुन नपाउनेहरूले पनि प्रत्यक्ष अवलोकन गर्न सक्ने जीएमएमएरिनाले उल्लेख गरेको छ।

के-के घोषणा होला?

सामसङ ग्यालेक्सीजेड फोल्ड७ अझ पातलो हुँदैछ, र यो अहिलेसम्मकै सबैभन्दा पातलो होरिजोन्टल फोल्डेबल फोन बन्ने सम्भावना बलियो छ।
ग्यालेक्सीजेड फ्लिप७ दुई संस्करणमा आउनेछ — एउटा प्रिमियम ग्यालेक्सीजेड फ्लिप७ र अर्को किफायती ग्यालेक्सीजेड फ्लिप७ एफई ।
जीएसएमएरिनाका अनुसार स्मार्टवाचहरु पनि नयाँ अपडेटसहित आउने छन्:

ग्यालेक्सीवाच८ क्लासिकमा घुम्ने बेजल पुन: फर्कनेछ, जुन ग्यालेक्सीवाच८ को साथसाथै आउनेछ। दुवैमा नयाँ स्क्वायर्कल अर्थात् वर्गाकार-वृत्ताकार डिजाइन रहनेछ।

ग्यालेक्सीवाच अल्ट्राको पनि नयाँ संस्करण आउने अपेक्षा गरिएको छ।
यी जानकारीहरू अफिसियल टीजर र हल्लाका आधारमा आएका हुन्। तर सामसङले अरू नयाँ सरप्राइजहरू पनि ल्याउन सक्ने सम्भावना भने प्रचूर मात्रामा रहेको छ।

कार्यक्रम प्रत्यक्ष हेर्नका लागि तलको लिंकमा लाइभस्ट्रिम हेर्न सकिनेछ।

ग्यालेक्सी अनप्याक्ड इभेन्ट लाइभस्ट्रिम