डीजेआईद्वारा ८० किलोग्राम पेलोड र उन्नत सुरक्षा प्रणाली भएको फ्लाईकार्ट १०० फ्ल्यागशिप कार्गो ड्रोन सार्वजनिक

काठमाडौं ।

डीजेआईले चिनियाँ बजारमा फ्लाईकार्ट १०० फ्ल्यागशिप कार्गो ड्रोन सार्वजनिक गरेको छ। औद्योगिक र मिसन–क्रिटिकल लजिस्टिक्सको लागि निर्मित नयाँ एफसी१०० हेभी–लिफ्ट फ्ल्यागशिप कार्गो ड्रोन भएको उल्लेख गरिएको छ।

एफसी१०० लाई ८० किलोग्रामसम्मको पेलोड बोक्न र परम्परागत उपभोक्ता ड्रोन प्रयोगभन्दा धेरै उच्च भू–भाग, उच्च–जोखिम वातावरणमा सञ्चालन गर्न डिजाइन गरिएको बताइएको छ।

डीजेआई फ्लाईकार्ट १०० को स्पेसिफिकेसनहरूः
एफसी१०० ले १४९.९ किलोग्रामको अधिकतम टेकअफ तौललाई समर्थन गर्दछ भने पूर्ण रूपमा लोड हुँदा सिङ्गल ब्याट्रीमा ६ किलोमिटरसम्म उड्न सक्छ। डुअल–ब्याट्री मोडमा, यस ड्रोनले ६५ किलोग्रामसम्म बोक्न सक्ने र १२ किलोमिटरसम्म उड्न सक्छ। साथै पेलोड बिना उडाउँदा यो ड्रोन २६ किलोमिटरसम्म यात्रा गर्न सक्छ।

हेभी–लिफ्ट अपरेशनहरूको मागहरू पूरा गर्नको लागि डीजेआईले ६२–इन्च कार्बन फाइबर प्रोपेलरहरू, ४२०ए ईएससीएस र थ्रस्ट इफिसियन्सीलाई अप्टिमाइज गर्ने कोएक्सियल डुअल–रोटर प्रणालीको साथ ड्रोन निर्माण गरेको छ।

ड्रोनलाई आईपी५५ रेटिङ्ग गरिएको छ जसले धुलो, हल्का वर्षा र हावाको गतिमा प्रति सेकेन्ड १२ मिटरसम्म सञ्चालन गर्न सक्षम बनाइएको छ। साथै यो –२० डिग्री सेल्सियस देखि ४० डिग्री सेल्सियस सम्मको तापक्रममा उड्न सक्ने र ६००० मिटरसम्मको उचाइमा पुग्न सक्ने थप उल्लेख गरिएको छ।

डीजेआई एफसी१०० ले प्रयोग गरेको डीबी२१६० ब्याट्रीमा ४१एएच क्षमता रहेको र यस ब्याट्रीले थर्मल हट–स्व्यापिङलाई समर्थन गर्दछ। यसले अल्ट्रा–फास्ट चार्जिङ सक्षम बनाउँछ भने डीजेआईको वैकल्पिक १२,००० वाट वाल चार्जर वा १५,००० वाट कार चार्जरसँग जोड्दा केवल नौ मिनेटमा पूर्ण क्षमतामा पुग्ने उल्लेख गरिएको छ। रिमोट अपरेशनहरूको लागि, डीजेआईले इफिसियन्ट फिल्ड चार्जिङको लागि हाई–पावर इन्भर्टर प्रणाली पनि प्रदान गर्दछ।

एफसी१०० ले स्थिर कार्गो डेलिभरीको लागि उन्नत एरियल सस्पेन्सन प्रणाली सुविधा समावेश गर्दछ। यसले स्वचालित लोड ब्यालेन्सिङ, रियल–टाइम वेट डिटेक्सन र सुरक्षित ल्याचिङ र क्विक (द्रुत) रिलीजको लागि मोटराइज्ड कार्गो हुकलाई समर्थन गर्दछ। यो ड्रोनले सिङ्गल र डुअल–ब्याट्री विन्च कन्फिगरेसन दुवैसँग काम गर्ने उल्लेख गरिएको छ।

त्यसैगरी ड्रोनमा पूर्ण पेलोडमा पनि तैनाथ गर्न सकिने बिल्ट–इन प्यारासुट प्रणाली रहेको छ जसले आपतकालीन अवस्थामा प्रति सेकेन्ड ६ मिटरसम्म अवतरण गति घटाउन मद्दत गर्नेछ।

नेभिगेसन र अवरोधबाट बच्नको लागि, यस ड्रोनले हाई–प्रिसिजन लिडीएआर प्रणाली प्रयोग गर्दछ जसले प्रति सेकेन्ड ३००,००० पोइन्टहरू क्याप्चर गर्दछ भने लो–भिजिबिलिटी वातावरणको लागि डिजाइन गरिएको मिलिमिटर–वेभ रडार र उडानको समयमा परिस्थितिगत जागरूकता बढाउन पाँच–दिशा फिशआई भिजन एरे समावेश गरिएको बताइएको छ।

डीजेआईले एफसी१०० लाई नयाँ आरसी प्लस २ कन्ट्रोलरसँग पेयर्ड गरेको छ। साथै ७–इन्च १४००–नाइट डिस्प्ले, आईपी५४ सुरक्षा उपलब्घ रहेको यो ड्रोनले डीजेआईको ओ४ ट्रान्समिशन प्रोटोकल प्रयोग गरेर डुअल–अपरेटर मोडलाई समर्थन गर्दछ। यो मिसन प्लानिङ्ग, एआर वेपोइन्ट सपोर्ट र फ्लीट समन्वयको लागि डीजेआईको डेलिभरी क्लाउड सफ्टवेयरसँग एकीकृत हुने उल्लेख गरिएको छ।

मूल्य निर्धारण र उपलब्धताः
एफसी१०० चार कन्फिगरेसनमा आउने बताइएको छ। नियमित चार्जर भएको मानक संस्करणको मूल्य ८९,९९९ युआन (लगभग १२,५०० अमेरिकी डलर) कायम गरिएको छ भने हाई–पावर चार्जिङ स्टेशन भएको उही संस्करणको मूल्य ९२,९९९ युआन (लगभग १२,९५० अमेरिकी डलर) पर्नेछ।

त्यसैगरी मानक चार्जर भएको फ्ल्यागशिप कन्फिगरेसनको मूल्य ११६,९९९ युआन (लगभग १६,३०० अमेरिकी डलर) बाट सुरु हुने बताइएको छ र चार्जिङ स्टेशन भएको टप–इण्ड बन्डलको मूल्य ११९,९९९ युआन (लगभग १६,७०० अमेरिकी डलर) कायम गरिएको गीज्मोचाइनाले उल्लेख गरेको छ।