ह्वाट्सएपले अब एआईको सहयोगमा नपढिएका सन्देशहरूको सारांश बनाउने

काठमाडौं ।

ह्वाट्सएपले प्रयोगकर्ताहरूलाई च्याटमा नपढिएका सन्देशहरूको सारांश बनाउन अनुमति दिने एउटा सुविधामा काम गरिरहेको गत महिना खुलासा भएको थियो। यस सुविधाले प्रयोगकर्ताहरूलाई कुराकानीहरूमा छिटो रुपमा क्याच अप (सुन्न गर्न मद्दत गर्नेछ। अब, यो सुविधाको विकास र परीक्षण पूरा भएको छ भने ह्वाट्सएपले आधिकारिक रूपमा यसको स्थिर रिलीजको घोषणा गरेको छ।

ह्वाट्सएपका अनुसार “मेसेज समरिज” भनिने यो सुविधाले च्याटमा नपढिएका सन्देशहरूलाई “निजी र द्रुत रूपमा” संक्षेप गर्न मेटा एआई प्रयोग गर्नेछ। च्याटमा नपढिएका सन्देशहरूको गणनामा ट्याप गरेपछि ह्वाट्सएपले सन्देशहरूको बुलेट समरिज (सारांश) उत्पन्न गर्नेछ। तलको जीआईएफले यो कसरी काम गर्छ भनेर देखाउँछ।
“मेसेज समरिज” सुविधाले मेटाको निजी प्रोसेसिङ प्रविधि प्रयोग गर्दछ, जसले मेटा एआईलाई सन्देश सारांशहरू उत्पन्न गर्न अनुमति दिन्छ। यो प्रविधिले मेटा वा व्हाट्सएपले मात्र नभइ तेस्रो पक्षहरूले पनि प्रयोगकर्ताहरूको सन्देश वा सारांशहरू पढ्न नसक्ने व्हाट्सएपले दाबी गरेको छ। च्याटमा रहेका मानिसहरूले पनि तपाईंको “मेसेज समरिज” देख्न नसक्ने उल्लेख गरिएको छ।

यसबाहेक, “मेसेज समरिज” सुविधा वैकल्पिक हुनुका साथै डिफल्ट रूपमा बन्द गरिने बताइएको छ। प्रयोगकर्ताहरूले एआई सुविधाहरूको लागि कुन च्याटहरू साझेदारी गर्न सकिन्छ भनेर निर्णय गर्नको लागि “एडभान्स्ड च्याट प्राइभेसी” सेटिङ प्रयोग गर्न सक्ने उल्लेख गरिएको छ।

ह्वाट्सएपले अमेरिकाका प्रयोगकर्ताहरूका लागि अंग्रेजी भाषामा “मेसेज समरिज” उपलब्ध रहेको बताएको छ र यसले यस वर्षको उत्तरार्धमा थप भाषाहरूको समर्थनको साथ अन्य क्षेत्रहरूमा उपलब्धता विस्तार गर्ने योजना बनाएको जीएसएमएरिनाले उल्लेख गरेको छ।