स्टाटस अपडेटहरू अरूलाई साझा गर्न दिने विकल्प ल्याउँदै ह्वाट्सएप

काठमाडौं ।

ह्वाट्सएपले पछिल्लो सुविधाको रुपमा अरूलाई आफ्नो स्टाटस अपडेटहरू साझा गर्न अनुमति दिने क्षमतामा काम गरिरहेको छ। यो हाल एन्ड्रोइडको लागि पछिल्लो व्हाट्सएप बिटामा लाइभ भइसकेको छ भने यो सम्भवतः अर्को केही हप्ता वा महिनाहरूमा नन्–बीटा ट्र्याकमा पुग्नेछ।

यो सुविधाको मुख्य कुरा भनेको यो डिफल्ट (पूर्वनिर्धारित) रूपमा बन्द हुने उल्लेख गरिएको छ। त्यसैले यदि तपाईं अरूलाई आफ्नो स्टेटस अपडेटहरू साझा गर्न दिन चाहनुहुन्छ भने, तपाईंले प्रत्येक स्टेटस अपडेटको सिर्जनाको क्रममा यसलाई सक्रिय गर्नुपर्नेछ। साथै कसैले तपाईंको स्टेटस साझा गर्दछ भने तपाईंलाई सूचित गरिनेछ।

यद्यपि, साझा गरिएको स्टेटसका दर्शकहरूले स्टेटसका वास्तविक सिर्जनाकर्ताको गोपनीयता सुरक्षाको लागि उक्त स्टेटसका वास्तविक सिर्जनाकर्ता को हो भनेर देख्ने नसक्ने बताइएको छ।

चाखलाग्दो कुरा के छ भने, यदि कसैले तपाईंले सिर्जना गर्नुभएको साझा गरिएको स्टेटस पुनः साझा गर्दछ भने, तपाईंलाई यो कार्यको बारेमा सूचित गरिने छैन र केवल तपाईंको पहिलो सेयर गर्ने व्यक्तिको बारेमा मात्र सूचित गरिने छ।

अहिलेसम्म, प्रत्यक्ष रूपमा स्टेटसमा उल्लेख गरिएका व्यक्तिहरूले मात्र स्टेटस अपडेटहरू साझा गर्न सम्भव थियो। तर यो नयाँ सुविधाको साथ, यदि कसैले साझेदारी गर्न अनुमति दिएमा भने जो कोहीले पनि उक्त स्टाटसहरू साझा गर्न सक्ने जीएसएमएरिनाले उल्लेख गरेको छ।