काठमाडौं ।
गत वर्ष, ह्वावेले आफ्नो मेट एक्सटी ट्राई–फोल्ड डिभाइसका साथ संसारलाई चकित पारेको थियो। त्यसैगरी अब सामसङले पनि कथित रूपमा ह्वावेको पाइला पछ्याउन चाहेको उल्लेख गरिएको छ। तर ह्वावेले भने आफ्नो दोस्रो पुस्ताको विकास गरिरहेको र चीनबाट आएको एउटा नयाँ अफवाहले यसको बारेमा केही महत्त्वपूर्ण विवरणहरू सार्वजनिक गरेको छ।
मेट एक्सटी २ मा पनि पहिलेको मेट एक्सटीको जस्तै स्क्रिन हुने दाबी गरिएको छ। मेट एक्सटीको तुलनामा मेट एक्सटी २ मा मुख्य अपग्रेडहरूका रुपमा सुधारिएको पर्फमेन्स र राम्रो क्यामराहरू भएको प्रोसेसर हुने बताइएको छ।
हाल, मेट एक्सटी २ को बारेमा थप विवरणहरू साझा गरिएको छैन। तर मेट एक्सटी २ यस वर्षको उत्तरार्धमा आउने हल्ला रहेका छन् भने आगामी दिनहरूमा यस डिभाइसको बारेमा धेरै विवरणहरू बाहिरिने जीएसएमएरिनाले उल्लेख गरेको छ।
प्रकाशित: २६ जेष्ठ २०८२, सोमबार
